Путин "Россия сегодня"ни 75 йиллик юбилей билан табриклади

© Sputnik / Максим Блинов / Медиабанкка ўтишРоссия президенти Владимир Путин
Россия президенти Владимир Путин - Sputnik Ўзбекистон
Oбуна бўлиш
Президент сўзларига қараганда, ахборот агентлиги тарихи 1941 йил июнда Совинформбюро ташкил қилинган кунидан бошланган.

ТОШКЕНТ, 7 июн — Sputnik. Россия президенти Владимир Путин бугун "Россия сегодня" халқаро ахборот агентлигига ташрифи давомида журналистларни ташкилотнинг 75-йиллик юбилейи билан табриклади. 

Президентнинг сўзларига қараганда, ахборот агентлиги тарихи 1941 йил июнда Совинформбюро ташкил қилинган кунидан бошланган. Кейинчалик Совинформбюродан “Новости” агентлиги, РИА Новости ва ниҳоят “Россия Сегодня” ахборот агентлиги.

“Турли йиллар давомида улар бизнинг мамлакатни халқаро медиа майдонида муносиб танитиб келишган ва доимо ахборотни тезкор ва тўлиқ еткизиб беришга ҳаракат қилишган”, — деди Путин.

Ундан ташқари президент журналистлар коллективи кўплаб ҳалқаро унвон ва совринларга сазовор бўлганлигини ҳам алоҳида айтиб ўтди.
“Мен “Россия Сегодня” коллективини чин юракдан табриклайман ва эришилган юқори даражани доимо шундай ушлаб туришларини ва мамлакат журналистикасининг бой анъаналарини ривожлантиришни сўраб қоламан”, — деди Путин Халқаро медиафорумда сўзга чиқар экан.

Президент ахборот агентлиги “келажакда ҳам, олдинги йилларда бўлгани каби, мамалкатимизнинг ички ва ташқи сиёсати, Россия иқтисодининг сармоявий файзли эканлиги ва бизнинг кўп миллатли бой маданиятимиз ҳақида сўзлашда давом этади ва тингловчиларни турли фикрлар ва қарашлар билан таништиради”. “Мен сизларга яна бир бор миннатдорчилик билдириб яқинлашиб келаётган юбилей билан табрикламоқчиман”,-  деди президент.

"Россия Сегодня" — дунё воқеаларини тезкор ва ҳар томонлама ёритувчи халқаро ахборот агентилигидир. Бугунги кунда унинг таркибига РИА Новости, Р-спорт, РИА Недвижимость, Прайм, РИА Рейтинг, Sputnik, ИноСМИ каби ахборот агентликлари киради. "Россия Сегодня" бугунги кунда Россия ОАВларида, ижтимоий тармоқлар ва блогларда иқтибослар сони бўйича биринчи ўринни эгаллаб келмоқда.

Янгиликлар лентаси
0