ТОШКЕНТ, 12 июн — Sputnik. Бугун 12 июн — Россия куни байрами. Байрам тарихига назар солсак, унинг асосида 1990 йилнинг 12 июнидаги воқеалар ётади.
Ўшанда РСФСР Халқ депутатлари кенгаши Россия давлат суверенитети ҳақидаги Декларацияни қабул қилган эди. Бу Россия Федерация суверенитети йўлида қўйилган илк қадам бўлди.
Ушбу ҳужжатда қайд этилган асосий фикр, давлат ва жамият ҳаёти билан боғлиқ бўлган барча масалаларни ҳал қилишда, Россия, бундан буён, мустақил ҳуқуқга эга бўлгани, мамлкатда Россия Конституцияси ва қонунларининг устуворлиги, барча фуқаролар, сиёсий партиялар ва ижтимий ташкилотлар бир хил ҳуқуқга эга эканлиги тасдиқланган эди.
Эслатиб ўтамиз, бундан олдин РСФСР ва собиқ Иттифоқнинг барча республикалари Конституцияси ва ҳуқуқларидан СССР қонунлари устун турар эди. Ижтимоий ҳаётда эса — ягона коммунистик партия фаолият кўрсатар эди.
Айни шу вақтда давлатнинг янги номи – Россия Федерация (Россия) деб ўзгартирилди ва давлатнинг янги Конституцияси қабул қилинди. 1991 йилда биринчи умумхалқ президент сайлови бўлиб ўтди ва унда Борис Елцин ғолиб чиқди.
12 июн 1994 йилда Декларация қабул қилнган кун деб қайд этилди, 1998 йилдан бошлаб эса — Россия Куни деб атала бошлади. 2002 йилда Россия Куни расман дам олиш кунига айлантирилди.
Россия Куни мамалкатда катта тантана билан нишонланади: катта шаҳарларда турли тантана, парад ва концертлар ўтказилади. Байрам тадбирларини кун кечида – узоқ давом этадиган мушакбозлик билан якунлаш анъанага айланган.
