АҚШ амалдорлари Башар Асад армиясини бомбардимон қилиш ҳақидаги мактубга имзо чекишди

© Sputnik / Михаил Воскресенский / Медиабанкка ўтишСАР армияси аскарлари
САР армияси аскарлари - Sputnik Ўзбекистон
Oбуна бўлиш
New York Times ва Wall Street Journal нашрлари пайшанба куни кечқурун АҚШ Давлат департаментининг 50 ходими расмий Дамашқ кучларини бомбардимон қилиш ҳақидаги мактубга имзо чеккани ҳақида хабар тарқатди. Амалдорлар фикрича, фақат шу йўл билан "Ислом давлати" устидан ғалаба қозониш ва Сурияда тинчлик ўрнатиш мумкин.

ТОШКЕНТ, 17 июн — Sputnik. Американинг New York Times нашридаги хабар — яъни АҚШ Давлат департаменти ходимларининг сурия жангчиларини бомбардимон қилиш таклифи — бу Россия муносабатини билиш истагида амалга оширилаётган ҳаракатдир. АҚШнинг асл мақсади — Сурия осмонида парвозлардан ҳоли ҳудуд яратишдир, деб ҳисоблайди россиялик эксперт, Россия Фанлар Академиясининг халқаро хавфсизлик муаммолари институти катта илмий ходими Алексей Фененко. РИА Новости хабари асосида.

АҚШ Давлат котиби Жон Керри. - Sputnik Ўзбекистон
Керри: Сурияга нисбатан АҚШ сабри тугаб боряпти
"Сурия армияси бўйлаб зарба бериш ғояси — янгилик эмас, у кўпдан бери муҳокама қилиб келинади. Мисол учун, Анталияда(2015 йилнинг май ойида) ўтган НАТО саммитида ҳам шу масала кўтарилган эди. Аммо Барак Обама бу таклифга ижобий ёндошган тақдирда ҳам, америкаликлар "кўргазма" учун Сурия армияси бўйлаб бир-икки бор зарба беради, холос. Асл мақсад эса — Сурия осмонида парвозлардан ҳоли ҳудуд яратиш. Америкаликлар Россия ва Сурия авиациясини у ерда фаолият олиб боришдан маҳрум қилмоқчи", — деб ҳисобламоқда Фененко.

"НАТО мамлакатлари Россия уларни парвозлардан ҳоли ҳудуддан маҳрум қилди, деб ўйлашади. Бу ғоя аввалдан муҳокама қилиб келинарди, аммо Россия ҲКК у ерда фаолиятни бошлагач, ғоя, табиийки, орқага ташланди. Ҳозирда эса бу маълумот атай тарқатиляпти, уларни Россия бунга қандай муносабат билдириши қизиқтирмоқда", — дея тахмин қилади эксперт.

"Ироқда уруш бошланган даврдан буён бундай ҳудудларни яратиш — АҚШ жаҳонда етакчи эканлигининг ўзига хос исботи бўлиб келмоқда. Парвозлардан ҳоли ҳудудлар Ироқ ва Ливияда ҳам яратилган. Бундай ҳудудлар АҚШ рухсатисиз ҳеч ким бомбардимон қилиш ёки кимгадир ёрдам қўлини чўзмаслиги учун ташкил этилади. Америка ҳозирги кунда Россия Башар Асадга ёрдам бермаслигини хоҳламоқда", — дея ўз фикрига якун ясади Фененко.

Янгиликлар лентаси
0