ТОШКЕНТ, 18 июн — Sputnik. АҚШ президентлигига номзод Дональд Трампнинг Москва билан муносабатларни тиклаш истагини илиқ қарши оламан, дея таъкидлади Россия президенти Владимир Путин.
Петербург халқаро иқтисодий форумида бошловчи Россия президенти Трампга “буюк, истеъдодли ва ўта ақлли одам” дея таъриф берганини айтиб, Путиндан америкалик миллиардер ҳақида бундай фикрга боришига нима сабаб бўлганини сўради.
"Нима сабабдан ҳамма нарсани сохталаштиряпсиз?… Ахир, ўзингизга аён нима деганим — гап орасида Трамп – ёрқин инсон деган эдим. Нима, у ёрқин эмасми? Ёрқин. Мен унга бошқа характеристика бермаганман. Мен бир нарсани илиқ қабул қиламан: жаноб Трамп Россия-Америка муносабатларини тўлиқ тиклашга тайёрлигини айтди, бунинг ёмон жойи йўқ. Бунинг нимаси ёмон? Биз ҳаммамиз буни яхши қабул қиламиз, сиз-чи – йўқми?” – дея жавоб қайтарди бошловчига Путин.
