Қозоғистонда террорчилик хавфининг "қизил" даражаси эълон қилинди

© REUTERS/Shamil ZhumatovОлма-Отада полициячиларга қуролланган ҳужум уюштирилди
Олма-Отада полициячиларга қуролланган ҳужум уюштирилди - Sputnik Ўзбекистон
Oбуна бўлиш
Душанба куни 12.20да Олма-Ота ҳудудида террорчилик хавфининг ўта юқори - "қизил" даражаси эълон қилинди. Террорчиликка қарши кураш хизматлари шаҳар аҳли ва меҳмонлардан ўз турар-жойларини тарк этмасликни сўраган. Террорчилик хавфи эълон қилинишига номаълум шахсларнинг Олмалин тумани ИИБси ва МХХ департаментига қилган ҳужуми сабаб бўлган.

ТОШКЕНТ 18 июл — Sputnik. Душанба куни Қозоғистоннинг Олмалин тумани ИИБ биноси ёнида отишма рўй берди, деб хабар қилмоқда РИА Новости.

"Новости Казахстана" нашри отишмада бир нафар полициячи ҳалок бўлгани ҳақида хабар қилган. "Ҳодисага гувоҳ бўлган кишининг айтишича, полиция ходимининг жонсиз танаси Гоголь-Абилайхон кўчасидан топилган", — деб ёзган нашр.

Айни вақтда, Олма-Ота Фавқулодда Хизмати отишма муносабати билан аҳолидан ўз турар-жойларини тарк этмасликни сўраган. Айни вақтда шаҳарда террорчилик хавфининг "қизил" даражаси эълон қилинган.

© REUTERS/Shamil ZhumatovОлма-Отада полициячиларга ҳужум уюштирилди
Олма-Отада полициячиларга ҳужум уюштирилди - Sputnik Ўзбекистон
Олма-Отада полициячиларга ҳужум уюштирилди

Маълумотларга қараганда, ўқ товушлари Олма-Отанинг бир нечта туманларида жаранг топган."Жиноятчилардан бири қўлга олинди, ўраб олинган ҳудудда антитеррор операцияси ўтказилмоқда", — дея хабар қилган РИА Новостига Қозоғистон ИИБдаги манба.

Қозоғистон Миллий Хавфсизлиги қўмитаси эса жиноятчилар туманлардаги полиция бўлинмаси ва МХХ биносини ҳужум объекти сифатида танлашгани ҳақида маълум қилмоқда.

ОАВларда берилган сўнгги хабарга кўра, ҳодиса туфайли беш нафар инсон касалхоналарга ётқизилган. Қурбонлар сони аниқ айтилмаяпти.

Янгиликлар лентаси
0