ТОШКЕНТ, 25 июл — Sputnik. Американинг Мичиган штати полиция ходимлари, қурбоннинг смартфонида бўлган маълумотларни олиш мақсадида, унинг бармоқлари нусхасини 3D принтерда ясаб беришга буюртма беришган. Смартфонни очишда марҳум қайси бармоғидан фойдаланганлиги маълум бўлмагани туфайли, ҳуқуқ ҳимоячилари унинг 10 бармоғини нусхасини ясаб чиқишга буюртма беришган, Metro нашри хабарига асосан.
Полиция ходимлари, смартфонда жиноятчи ҳақида маълумот борлигига ишончи комил бўлганидан кейин, марҳум ҳаётлик даврида олинган бармоқ излари нусхаларини лабораторияга топширишган. Мичиган университети биометрия пофессори Анила Жайн ва унинг аспиранти Санприта Арорадан марҳумнинг ўнта бармоқ нусхасини 3D принтердан чиқариб беришган.
Бу сафар АҚШ полициячилари телефон ишлаб чиқарувчи компанияга мурожаат қилиб ўтирмаганлар. Эслатиб ўтамиз, 2015 йилнинг декабрида АҚШнинг Сан-Бернардино шаҳрида отишма уюштирган террорчи ҳақида маълумот олиш мақсадида ФБР Apple компаниясига жиноятчининг телефонини очиб (разблокировка) беришни сўраган. Компания ўз ҳуқуқларини рўкач қилиб унинг телефонини очиб беришдан воз кечади. Шундан кейин ФБР норасмий мутахассисларга (хакерларга) мурожаат қилишга мажбур бўлган эди.
