Путин: калтафаҳм сиёсатбозлар спортни ҳам тинч қўймаяпти

© Sputnik / Михаил Климентьев / Медиабанкка ўтишРФ президенти В. Путин Кремлда Россия олимпия термаси билан учрашди
РФ президенти В. Путин Кремлда Россия олимпия термаси билан учрашди - Sputnik Ўзбекистон
Oбуна бўлиш
Россия президенти Владимир Путин мамлакат олимпия терма жамоаси билан учрашувда шахсан россиялик спортчиларнинг шаънини ҳимоялашга ваъда берди.

ТОШКЕНТ, 27 июл — Sputnik. Владимир Путин россиялик спортчиларга қарши қаратилган "аниқмақсадли кампанияни" кескин қоралади, деб хабар қилмоқда РИА Новости.

Президент РФ В. Путин провел заседание Совбеза РФ - Sputnik Ўзбекистон
Владимир Путин Россияда мустақил допинг комиссияси тузишни таклиф қилди
Олимпиячилар олдида чиқиш қилар экан, Россия раҳбари енгил атлетикачиларнинг Олимпия мусобақаларидан мутлақ дисквалификация қилинишини ҳеч қачон маъқулламаслигини ва ҳақиқат юзага чиқиши учун қўлдан келганча ҳаракат қилишини маълум қилган.

Путиннинг сўзларига қараганда, россиялик спортчилар билан юз берган ҳолат ақл бовар қилмас даражага келган.

"Шу ерда очиғини айтиш керак-ки, узоқни кўра билмайдиган сиёсатбозлар спортни ҳам тинч қўймаяпти. Аслида спорт орқали халқлар бир-бирига яқин бўлмоғи, давлатлар ўртасидаги қарама-қаршиликлар бартараф этилмоғи лозим", — дея қўшимча қилган Путин.

Россия президентининг сўзларига кўра, кўплаб атлетикачилар нохақ жабр кўрган, сабабби уларга допинг бўйича аниқ айбловлар илгари сурилмаган.

"Ҳар бирингиз шуни билинг-ки: биз шак-шубҳасиз сизлар билан фахрланамиз. Сизнинг шаънингиз, спортдаги ютуқларингиз ва ғурурингизни тиклаш учун ҳамма нарсага тайёрмиз. Адолат, албатта, ғалаба қозонади", — деб ваъда қилган Россия президенти.

Янгиликлар лентаси
0