ТОШКЕНТ, 13 авг — Sputnik. "Ислом давлати"нинг минтақавий раҳбари 26 июл куни ҳаво ҳужуми натижасида ўлдирилди, — дея хабар қилди жума куни АҚШ мудофаа вазирлиги. РИА Новости хабари асосида.
"АҚШ ҳарбий кучлари "ИД" амири Ҳофиз Саид Хонни йўқотиш мақсадида Нангархар вилояти Ачин туманида авиазарбаларни амалга оширди", — дейилади Пентагон баёнотида.
Аввалроқ, яъни жума куни, Покистоннинг Афғонистондаги элчиси Омар Захилвал ""Ислом давлати"нинг Афғонистондаги минтақавий раҳбари Ҳофиз Саид Хон бошқа жангарилар қаторида 26 июл куни Афғонистон қуролли кучлари кўмагида АҚШ ҲҲК томонидан амалга оширилган ҳаво зарбалари натижасида ҳалок бўлди", — дея хабар берган эди.
Кейинчалик бу маълумотлар ҳақиқат эканлигини Пентагоннинг бир вакили ҳам Рейтерга берган интервьюсида тасдиқлаган.
Сўнгги вақтларда Афғонистондаги вазият анча ёмонлашган. Илгарилари мамлакатнинг қишлоқ жойларида каттагина ҳудудни эгаллаб олган "Толибон"лар йирик шаҳарларга ҳужумга ўтди. Шунингдек, Афғонистонда, кейинги пайтларда "Ислом давлати" таъсири ҳам ортиб бормоқда.
