ТОШКЕНТ, 27 авг — Sputnik. Москва шимоли-шарқидаги омборхоналардан бирида содир бўлган ёнғин натижасида камида 16 киши қурбон бўлди, деб хабар қилмоқда шаҳар ФВ хизмати.
Айни дамда олов ўчирилган. Гувоҳлар айтишига қараганда, ёнаётган омбордан чиқиб келган кишиларнинг ўзлари қайтиб кириб, у ерда қолган ўз яқинларини қуткаришга ҳаракат қилишган. Шундай йўл билан улар 5 кишини қутқаришга муваффақ бўлишган.
“У ерда менинг турмуш ўртоғим қолган, унга нима бўлганини билмайман. У ҳам бошқалар билан бирга қурбон бўлганни аниқ”, — дейди ёнғиндан қочиб чиққан Қирғизистон фуқароси.
Унинг сўзларига қараганда, ушбу омборхонада асосан Қирғизистон фуқаролари ишлаган, Ҳозирча уларнинг тақдири номаълумлигича қолмоқда.
Ўт ўчирувчилар хабарига кўра, Алтуфьево кўчасида жойлашган нашриётлардан бирининг омборхонасида содир бўлган ёнғин, у ерда кўп миқдорда бўлган нашриёт маҳсулотлари ва тез ёнувчи суюқликлар туфайли тез тарқалиб кетган. Ўт ўчирилганидан кейин, эшигини ёнғин тўсиб қўйган хонадан 16 кишининг жасади топилган.
Ёнғиндан жароҳатланган 4 киши Склифосовский касалхонасига ётқизилган. Улардан бири касалхонада вафот этган.
Тергов қўмитаси ушбу фожеа сабабларини ўрганмоқда.
Москва шаҳар мэри, Серей Собянин қурбон бўлганларнинг яқинларига ўз ҳамдардлигини билдирди.
Выражаю соболезнования родным погибших и пострадавшим при пожаре на Алтуфьевском шоссе
— Сергей Собянин (@MosSobyanin) 27 августа 2016 г.
