Миллиардер Трамп Путин қандай қилиб АҚШ устидан кулаётганини айтди

© REUTERS / SHANNON STAPLETONДональд Трамп
Дональд Трамп - Sputnik Ўзбекистон
Oбуна бўлиш
Республикачилар партиясидан Америка президентлигига номзод Дональд Трамп, бордию сайловларда ғолиб чиққудек бўлса, Қўшма Штатларга аввалгидек обрў-эътибор ва хавфсизликни қайтаришга ваъда қилди.

ТОШКЕНТ, 10 сен — Sputnik. Миллиардернинг айтишича, бордию у президент этиб сайлангудек бўлса, бутун дунё Американи аввалгидек ҳурмат қилишни бошлайди, деб ёзади РИА Новости.

Дональд Трамп ўз чиқиши вақтида, шунингдек, яқинда бўлиб ўтган ҳодиса — Қора денгиз устида Россия самолёти АҚШ кемасига "намойишкорона" ҳужум қилганини эслатиб ўтди.

Америкалик миллиардер Дональд Трамп. - Sputnik Ўзбекистон
Трамп: АҚШга “болалар” керак эмас
"Музокараларни катта, ниҳоятда катта куч сингари олиб бориш учун олдинги етакчилик позициямизни қайтарамиз. Энг асосийси эса, шу билан яна хавфсизликда бўламиз", — деб таъкидлаган Трамп Флоридада ўтказилган сайловолди чиқиши вақтида.

АҚШга бошқа давлатлар жиддий муносабатда бўлмаётганига мисол келтирар экан, Трамп Россия ва Америка самолётлари Қора денгиз устида бир-бирига ўта яқин келгани сингари ҳолатларни эслатиб ўтди. "Путин куляпти, ишонинг, у бизнинг етакчиларимиз устидан куляпти. Кеча унинг самолёти уч метр нарида учиб ўтди, у устимиздан куляпти, худди Эрон каби бизни масхара қиляпти", — дея таъкидлади Трамп.

Миллиардер, шунингдек, бир неча кун олдин рўй берган ҳодисани мисол келтирди. Унинг сўзларига кўра, Эрон Ҳарбий Денгиз Кучлари Форс қўлтиғида Америка ҳарбий кемасига ўта яқин келиб, уни йўналишни ўзгартиришга мажбур этган.

АҚШ президентлигига номзод Трамп, Бош Қўмондон бўлса бу сингари ҳодисаларда эронликларни сувдан "суғуриб" олишини маълум қилди. "Улар бизнинг виқорли эсминецларимизни ўзларининг майда қайиқчалари билан ўраб олиб, олдимизда имо-ишора қилишмоқда, уларга бунга рухсат бермаслик керак", — дея ўз фикрларини баён қилди Трамп.

Янгиликлар лентаси
0