ТОШКЕНТ, 10 сен — Sputnik. Хабарга кўра, Ироқ Нефть вазирлиги рўпарасида жойлашган савдо маркази олдида бомба ўрнатилган автомобил портлатиб юборилган.
Яна битта портлаш эса савдо дўкони ёнидаги автомобил тўхташ жойида амалга оширилган.
Теракт учун жавобгарликни "Ислом давлати" террорчилик уюшмаси ўз зиммасига олган.
Ироқда сўнгги вақтларда вазият ёмонлашган. "Ислом давлати" террорчилик уюшмаси мамлакатнинг бир қисмини эгаллаб олган. Жангарилар ҳужумлари оқибатида тинч аҳоли жабр кўрмоқда.
Жорий йилнинг июл ойида "ИД" жангарилари ресторан ва савдо мажмуаларига бой ҳисобланган Ал-Каррада туманига кенг кўламли ҳужумни амалга оширган эди. Террорчилар томонидан шу қадар амалга оширилган ўта кучли портлаш оқибатида қатор бинолар ёниб кулга айланди. Ҳодиса қурбонлари сони 324 нафарни ташкил қилди.
