ТОШКЕНТ, 14 сен — Sputnik. Европа футбол ассоциациялари иттифоқи (УЕФА) Конгрессида янги президент этиб Словения футбол ассоциацияси раҳбари Александер Чеферин сайланди, деб хабар беради РИА Новости "Р-Спорт" агентлигига асосланиб.
УЕФА раҳбарлиги лавозимига словенияликдан ташқари Нидерландия қироллик футбол иттифоқи раҳбари Михаэль ван Праг ҳам даъвогарлик қилганди.
Овоз бериш вақтида Чеферин 42та овоз олди, нидерландиялик номзод учун 13та овоз берилди.
УЕФАнинг илгариги президенти Мишель Платини ўтган йилнинг октябрида лавозимидан четлатилганди. Декабрда ФИФА ахлоқ қўмитаси арбитраж палатаси уни саккиз йилга футболдан четлаштирган, кейинроқ бу муддат икки бараварга қисқартирилганди.
