ТОШКЕНТ, 21 сен — Sputnik, Иван Булатов. Хитой Америка бомбардимончиларининг Корея устидан учиб ўтиши туфайли ваҳима қилмасликка чақирмоқда, деб хабар тарқатган РИА Новости. Бу ҳақда ХХР ТИВ вакили Лу Кан чоршанба куни бўлиб ўтган брифинг чоғида айтиб ўтган.
Эслатиб ўтамиз, сал олдин Рейтер агентлиги, Американинг В-1В бомбардимончилари Корея Республикаси устидан учиб ўтгани ҳақида хабар қилган эди.
"Шимолий Корея томонидан бешинчи ядро синови ўтказилганидан сўнг, яриморолдаги вазиятнинг ўта таъсирчанлиги сақланиб қолинмоқда. Умид қиламизки, барча томонлар тинчликни сақлайди ва кейинчалик можаро авж олишига олиб келувчи кескин ҳаракатлардан сақланадилар", — деб таъкидлади у.
Сал олдин Шимолий Корея навбатдаги ядро синовига тайёргарлик кўраётгани ҳақида хабар тарқалган эди. Жанубий кореялик ҳарбийларнинг айтишларича, янги ядровий синов ёки узоқ масофага мўлжалланган ракетанинг учирилиши 10 октябрда, Корея меҳнат партияси ташкил этилганлигининг 68 йиллиги нишонланадиган кунда амалга оширилиши мумкин.
