"Дунё полициячиси" бўлмиш АҚШ ўз тартиб-қоидаларини ўрната бошласа нима бўлиши ойдинлашди

© Sputnik / Стрингер / Медиабанкка ўтишАмерика ҳарбийлари
Америка ҳарбийлари - Sputnik Ўзбекистон
Oбуна бўлиш
НАТО собиқ Бош котиби Фога Расмуссеннинг АҚШ "дунё полициячиси"га айланиши керак, деган баёноти - сариқ чақага ҳам арзимайдиган гапдир - бунга иқрор бўлиш учун Вашингтон энди-энди бу ролни ўзига бичиб кўра бошлаган пайтларда нималар рўй берганини эсга олишнинг ўзи кифоя, деб ёзади The National Interest

ТОШКЕНТ, 4 окт — Sputnik. АҚШнинг "дунё полициячиси" бўлишга интилиши хитойлик полициячиларнинг Нью-Йоркка келиб, у ерда Хитой қонун-қоидалари асосида тартиб ўрната бошлашлари билан баробардир, деб ёзади мақола муаллифи. РИА Новости хабари асосида.

НАТО байроғи - Sputnik Ўзбекистон
НАТО собиқ бош котиби АҚШни “жаҳон полициячиси” бўлишга чақирди
Қўшма Штатлар бошқа мамлакатда рўй бераётган фуқаролик уруши ҳақида шунга асос бўлган тақдирда "ҳавотир билдиришлари" мумкин, деб ёзади The National Interest.

"Мисол учун, Вашингтон одамларга инсонпарварлик ёрдамини кўрсатиши ёхуд можарони дипломатик йўл билан ҳал этишда кўмакдош бўлиши мумкин", — дейилган мақолада.

"Аммо Қўшма Штатлар можарода қатнашувчи томонлардан бирини қўллаб-қувватлаш учун ўз ҳарбийларидан фойдаланиши ва ўзига мақбул бўлмаганларни ўлдириши мумкинмас", — дея қўшимча қилинади мақолада.

АҚШнинг жаҳонга "дунё жандарми" сифатида нечоғлик керак эканлигини англаш учун Вашингтоннинг сўнгги ўн йилликда ушбу ролни ўйнаш учун қилган ҳатти-ҳаракатларидан нечоғлик фойда бўлганини таҳлил қилишнинг ўзи кифоя, деб таъкидлайди мақола муаллифи.

"Жавоб топиш кўп вақтни олмайди — йўқ. АҚШнинг бошқа мамлакатларга суқилиб кириши кўпдан-кўп ҳолларда вазиятни янада ёмонлаштирган. Америка томонидан амалга оширилган ҳарбий операцияларнинг ҳеч бири тинчликни қайта тиклашга хизмат қилмаган", — деб ёзади The National Interest.

F-22 қирувчиси, АҚШ ҲҲК - Sputnik Ўзбекистон
Washington Post: Америка энг қийин пайтда ўз иттифоқдошларини ташлаб кетди
Мақола муаллифига кўра, АҚШнинг Ироқдаги ҳатти-ҳаракатлари юз минглаб тинч аҳолининг нобуд бўлишига олиб келган, шу билан бирга ҳанузга қадар Ироқ урушини тўхтатишнинг чораси топилгани йўқ. Афғонистонга АҚШнинг бостириб кириши террорчилар гуруҳлари бош кўтариши ҳамда Толибон яратилишига олиб келди. Ливия ҳалигача қонли фуқаролар уруши гирдобидан чиқа олгани йўқ. Ҳарбий кучнинг Сурия, Покистон, Яман ва Сомалида қўлланилиши эса зўравонликни кучайтирди, холос.

Қўшма Штатлар ўн йиллар давомида "дунё жандарми" вазифасини бажаришга харчанд уринмасин, аммо ҳеч қандай натижага эришаолмади ва улар буни тан олишлари шарт, деб хотима ясайди мақола муаллифи.

Янгиликлар лентаси
0