ТОШКЕНТ, 14 окт — Sputnik. Ўтган ҳафтада Иорданиянинг Амман шаҳридаги Қироллик стратегик ислом тадқиқотлар маркази дунёнинг энг обрўли 500 мусулмон рўйхатини эълон қилган эди. Тожикистон раҳбари ушбу нуфузли рўйхатдан учинчи бор ўрин олди, деб хабар қилади Спутник Тожикистон.
Экспертлар Тожикистон президентининг ушбу рўйхатга катта ишлар содир этгани учун киритилганига шубҳа қилишмаяпти. Аммо у қандай ишлар бўлди экан?
Тожик сиёсатшуноси Абдуғани Мамадазимовнинг фикрига кўра, Эмомали Раҳмоннинг ушбу рўйхатга киритилиши бош сабаби аниқ. Жорий йилда у оилавий Макка ва Мадинага Ҳаж сафарини амалга оширган ҳамда Каъбага кириш бахтига муяссар бўлган (у ерга фақатгина Саудия Қиролининг рухсати билангина кириш мумкин).
"Ушбу рўйхатдан кўпинча собиқ Иттифоқ мусулмон республикалари президентлари ўрин олшишади. Ўйлайманки, регионннинг бошқа раҳбарлари ҳам тез орада рейтингга киритилади, рейтинг ўз структурасига кўра расмий мақомга эгага ўхшайди", — деб ёзади Давлат.
Эмомали Раҳмонга тўхталадиган бўлсак, шарҳловчи фикрига кўра, Тожикистон раҳбари эҳтимол, бу рўйхатга "диний экстремизмга қарши муваффақиятли кураш олиб бораётгани учун" киритилган.
2009 йилда "Виждон ва диний уюшмаларнинг эркинлиги тўғрисида" қонун қабул қилинган эди. Бу ҳужжат айрим турдаги конфессиялар фаолиятини таъқиқ остига қўйди ҳамда мусулмонлар ҳақ-ҳуқуқларини маълум маънода чеклади, деб айтиш мумкин. Мисол учун аёлларга ва 18 ёшга тўлмаган ўсмирларга масжидларга бориш ҳамда иш ўринларида намоз ўқиш таъқиқланган эди. Шунингдек, ҳижобда юриш ҳам чекланди… Энг муҳими, давлат ташаббусига кўра, хориждаги диний муассасаларда таҳсил олган ёшлар ўз ватанига қайтарила бошлади", — дея таъкидлаб ўтган Давлат.
