ТОШКЕНТ, 8 ноя — Sputnik. Бугун Ўзэкспомарказ кўргазмалар мажмуасида I Халқаро Мева-сабзавот ярмакаси ўз ишини бошлади, деб хабар қилмоқда “Жаҳон” ахборот агентлиги.
Ўзбекистон озиқ-овқат саноатининг етакчи ташкилотлари “Ўзбекозиқовқатхолдинг”, “Ўзагроэкспорт”, “Ўзвиносаноат-Холдинг”, “Ўзбекозиқовқатзаҳира” томонидан ташкил қилинган халқаро ярмарка 10 ноябрга қадар давом этади.
Халқаро тадбирда 31 мамлакат делегациялари, дипломатик хизматлар раҳбарияти, Жаҳон банки, Осиё тараққиёт банки, Ислом тараққиёт банки, БМТ қишлоқ хўжалиги ва озиқ-овқат ташкилоти вакиллари қатнашмоқда.
Кўргазма доирасида соҳанинг муҳим масалаларига бағишланган форумлар ва давра суҳбатлари ҳам ўтказиш режалаштирилган. Шунингдек кўргазмада дунёнинг етакчи корхоналари билан ҳамкорликда Ўзбекистонда ишлаб чиқарилаётган қишлоқ хўжалик техникалари ҳақидаҳам сўз юритилди.
Ушбу халқаро ярмарка анъанавий мавқега эга бўлиб, у ҳар йили кузда ўтказилади. Ярмаркада Россия, Қозоғистон, Корея, Хитой, Япония, Туркия ва Европа мамлакатлари билан умумий ҳажми 2,5 миллион таннадан ортиқ маҳсулот еткизиб беришга шартнома имзоланди.
