Штайнмайер: АҚШдаги сайлов натижаларини ҳурмат қилиш лозим

© REUTERS / Mike SegarДональд Трамп ўғли Баррон ва рафиқаси Меланья билан
Дональд Трамп ўғли Баррон ва рафиқаси Меланья билан - Sputnik Ўзбекистон
Oбуна бўлиш
Штайнмайер АҚШдаги сайлов натижалари Германия халқи кутганидек бўлмаганини тан олди

ТОШКЕНТ, 9 ноя — Sputnik. АҚШдаги сайлов якуни Германия халқи кутган натижадан тубдан фарқ қилса-да, аммо бу якунни ҳурмат қилмоқ керак, дея баёнот қилди Берлинда Германия Федератив Республикаси ТИВ раҳбари Франк-Вальтер Штайнмайер. РИА Новости хабари асосида.

Дональд Трамп - Sputnik Ўзбекистон
Барча америкаликлар учун президент бўлишга ваъда бераман - Трамп
"Америка ўз танловини амалга оширди, ва сайлов натижаси таъсирини, шу жумладан биз учун ҳам, паст баҳолаб бўлмайди. Германия халқи бошқача натижани кутган эди, аммо нима бўлган тақдирда ҳам Америка халқини ва унинг танловини ҳурмат қилмоғимиз лозим", — деди вазир.

Эслатиб ўтамиз, 8 ноябр куни АҚШда бўлиб ўтган президентлик сайловлари натижаларига кўра, республикачи Дональд Трамп ғалаба қозонди. Демократлар партиясидан президентликка номзод Хиллари Клинтон Трампга қўнғироқ қилиб сайловларда мағлубиятга юз тутганини тан олди.

Штайнмайер, шунингдек, АҚШдаги сайловолди кампанияси халқаро муносабатларга "тез битмайдиган, чуқур жароҳат етказганини" қўшимча қилди. "Бу жароҳатлар битиши осон кечмайди, шуни айтишим мумкин", — деди Штайнмайер ҳамда сайловолди кампанияси давомида унинг олиб борилиши юзасидан бир неча бор "чалғигани"ни қўшимча қилди.

Янгиликлар лентаси
0