ТОШКЕНТ, 12 ноя — Sputnik. Қозоғистоннинг шарқий қисми, Зиряновск шаҳрида истиқомат қилган қизалоқ ўлик ҳолатда топилди, деб хабар бермоқда Спутник Қозоғистон нашри.
Шаҳар аҳолисининг айтишича, Викторияга жуда ўхшаб кетадиган қизалоқни бир эркак ҳамроҳлигида кўришган. Қариндошлари Викториянинг одобли қиз бўлганини айтишмоқда. "У ота-онаси рухсатисиз ҳеч қаерга чиқмасди, лекин жуда содда эди", — дея қўшимча қилишди улар.
Нашр хабарига кўра, ҳозиргача олинган, аммо тасдиқланмаган маълумотларга кўра, қизалоқнинг куйган танаси Зиряновск шаҳридаги ташландиқ бир уй ичидан топилган. Тасдиқланмаган маълумотларга мувофиқ, Қозоғистон полиция хизмати жиноятда гумон қилинаётган шахс — қизалоқнинг ўгай отаси қўлида ишлаган эркакни қўлга олишган.
Полициячилар ҳодиса юзасидан изоҳ беришдан бош тортмоқда.
