ТОШКЕНТ, 12 ноя — Sputnik. Россия армиясининг ҳарбий машғулотлари нима сабабдан Ғарбни ташвишга солмоқда, тушунмайман, дея яна бир бор ўз ҳайратини яширмади Россия президенти Владимир Путин. РИА Новости хабари асосида.
Россия армияси ҳеч кимга таҳдид солмайди, деб таъкидлади у.
"Тўғри, армиямиз жанговор тайёр ҳолатда, у замонавийлашди, юқори самарага эга. Ўқув-машғулотлари, шу жумладан кутилмаган текширувлар сони бир неча баробар ортди, бу эса шартли равишда бизнинг "ҳамкорларимиз" деб аталгувчиларни ташвишга солмоқда. Қизиғи, улар аллақандай машғулотлар ўтказишни бошласа, биз ташвиш чекмаймиз, бизга келганда, дарҳол асабийлашишни бошлашади, асабий таранглар", — деб таъкидлади Путин.
"Такрор айтаман, бу жуда муҳим, биз ҳеч кимга таҳдид қилмаймиз, ҳеч кимга таҳдид ҳам қилмоқчи эмасмиз. Бунинг бизга нима кераги бор? Дунё бўйича энг катта майдонга эгамиз, бу ҳақда ҳамма билади, шу боис ўз давлатимиз, ўз халқимиз хавфсизлигини таъминлашимиз даркор. Бизнинг армиямиз буни амалга ошириш имконига эга, уни бундан буёғига ҳам ривожлантирамиз", — дея таъкидлади Путин.
Путиннинг сўзларига кўра, бундан буёғига қуролли кучларнинг: разведка, ахборот, алоқанинг агентура ва техник тизими, замонавий юқори аниқликка эга қурол-аслаҳалар сингари таркибий қисмларига кўпроқ эътибор берилади.
