ТОШКЕНТ, 17 ноя — Sputnik. Собиқ Иттифоқ давлатларида рус тилига иккинчи давлат тили мақоми берилиши қонунан белгилаб қўйилиши лозим, дея фикр билдирган Россия ТИВнинг алоҳида топшириқлар бўйича элчиси Элеонора Митрофанова. Спутник Тожикистон хабари асосида.
20 Октябр 2016, 17:46
"Яна бир авлоддан сўнг собиқ Иттифоқ давлатларидаги одамлар рус тилида гапирмай қўядилар. Бу аниқ. Шу боис, бу масала билан алоҳида шуғулланиб, ушбу давлатларда рус тилига иккинчи давлат тили мақоми берилишини қонунан белгилаб қўйишимиз лозим. Мен буни биринчи ўринда ҳал этилиши лозим бўлган долзарб масала деб ҳисоблайман", — деб таъкидлаган Митрофанова "Россия тил сиёсати ва рус тилининг жаҳондаги аҳволи" мавзусига бағишланган доира суҳбати давомида.
"Оддий мисол тарзида Украинани олиб қарайдиган бўлсак, у ердаги ёшлар рус тилида қийналиб гапирадилар, ёзилари ҳақида эса гапирмаса ҳам бўлаверади. Грузия ёшларининг аксарияти, Болтиқбўйи мамлакатларини гапирмасам ҳам бўлаверади, рус тилини умуман билмайдилар", — деб қўшимча қилган Митрофанова.
