ТОШКЕНТ, 2 дек – Sputnik. Куни кеча қатор хориж ва ўзбек оммавий ахборот воситаларида Тошкент шаҳридаги Оқсарой қароргоҳи ҳудудида Ўзбекистоннинг Биринчи Президенти Ислом Каримов учун хотира музейи барпо этилиши ҳамда янги Президент учун янги қароргоҳ қурилиши ҳақида хабарлар тарқалганди.
Sputnik Ўзбекистон мазкур хабарларга ойдинлик киритиш учун Ўзбекистон Республикаси Президентининг матбуот хизмати билан боғланди.
Матбуот хизмати бу мавзуда ҳеч қандай хабар тарқатмаганини ҳамда бу хабарга изоҳ бермаганини маълум қилиб, юқоридаги хабарларни инкор қилди.
