Тошкентда Марказий Осиёдаги энг катта истироҳат боғи қурилади

© Sputnik / Natalia Seliverstova / Медиабанкка ўтиш"Диснейленд"
Диснейленд - Sputnik Ўзбекистон
Oбуна бўлиш
Бектемир туманида, Чирчиқ дарёси қирғоғида 70 гектар майдонда умумий қиймати 80 миллион доллар бўлган, дунёдаги энг машҳур "Диснейленд" паркларидан қолишмайдиган Марказий Осиёдаги энг катта замонавий аттракционлар боғи қурилади

ТОШКЕНТ, 10 дек — Sputnik. Тошкентда дунёдаги энг машҳур “Диснейленд”дан қолишмайдиган Марказий Осиёдаги энг катта боғ қурилади, деб хабар қилмоқда "Даракчи" нашри.

Тошкентда шаҳарликлар ором олишлари учун бир нечта хиёбонлар қурилади
Хабарда Ўзбекистон Республикаси Президенти этиб сайланган Шавкат Мирзиёев Тошкент шаҳри сайловчилари билан учрашувдаги нутқида Пойтахт аҳолиси томонидан шаҳарда маданият ва истироҳат боғлари етарли эмаслиги ҳақида кўплаб эътирозлар билдирилаётганлигини айтиб ўтгани таъкидланган.

"Бу борадаги ишларни яхшилаш мақсадида махсус дастур ишлаб чиқилди. Унга кўра, 2017 йилда Тошкент шаҳрида 8 та янги маданият ва истироҳат боғи барпо этилади. Уларни жойлаштириш  учун Мирзо Улуғбек, Миробод, Учтепа, Сирғали, Чилонзор, Шайхонтоҳур ва Яшнобод туманларида тегишли ер майдонлари ажратиб қўйилди", — деб ёзади нашр.

Бундан ташқари, нашрга кўра, Бектемир туманида, Чирчиқ дарёси қирғоғида 70 гектар майдонда умумий қиймати 80 миллион $ бўлган, дунёдаги энг машҳур "Диснейленд" паркларидан қолишмайдиган Марказий Осиёдаги энг катта замонавий аттракционлар боғи қурилади. Ҳозирги пайтда мазкур лойиҳани амалга ошириш юзасидан Европанинг етакчи парк операторлари билан музокаралар олиб борилмоқда.

Янгиликлар лентаси
0