ТОШКЕНТ, 11 дек — Sputnik. Корея пойтахтида бўлиб ўтган World Food Expo Korea-2016 халқаро озиқ-овқат кўргазмасида Ўзбекистон корхоналари ўз маҳсулотлари ва хизматлари билан иштирок этди, деб хабар қилмоқда “Жаҳон” ахборот агентлиги.
Ўзбекистонлик тадбиркорлар 200 минг $ дан ортиқ экспорт шартномалари имзолашди. Бундан ташқари бир неча мамлакат корхоналари билан мева-сабзавотлар еткизиб бериш, ушбу соҳада турли хизматлар кўрсатиш ҳақида ҳамкорлик ўрнатишга келишиб олинди.
Эслатиб ўтамиз, Ўзбекистон ўрик, олча, узум, ёнғоқ, каром ва бошқа мева-сабзавотлар экспорти бўйича Ўзбекистон дунёнинг етакчи мамалкатларидан биридир. Мамлакат қишлоқ хўжалигида олиб борилаётган кетма-кет изчилислоҳотлар натижасида охирги уч йилда мева-сабзавот экспорти ҳажми уч баробардан ошди.
