Туризм

Британиялик эксперт Ўзбекистонни фантастик диёр деб атади

© Fulvio SpadaБухоро. Пойи калон
Бухоро. Пойи калон - Sputnik Ўзбекистон
Англия ОАВларининг ёзишича, Ўзбекистоннинг бой тарихи ва маданияти билан танишиш учун қулай фурсат етиб келди

ТОШКЕНТ, 12 дек — Sputnik. Туризм бўйича Буюк британиялик аксарият экспертларнинг фикрича, Ўзбекистон туристлар энг кўп ташриф буюрадиган мамлакат бўлиши учун барча имкониятларга эга. Бунга 2017 йил апрелидан хорижлик туристлар учун виза режимининг бекор қилиниши туртки бўлади.

Англия ОАВларининг ёзишича, Ўзбекистон кўп сонли масжидлари, минора ва мадрасалари билан бой тарих ва маданиятга эга бўлиб, улар билан танишиш учун қулай фурсат етиб келди.

Дунёда
Ўзбекистон қатор давлатлар сайёҳлари учун виза тартибини бекор қилди

"Энди виза олишдек узоқ ва қиммат жараён ўрнига мамлакатга келгандан кейин 50 доллар тўлаш кифоя бўлади" — дейди Марказий Осиё бўйича эксперт Крис Эллис.

Унинг айтишича, Ўзбекистон Буюк Ипак йўлининг бир қисми бўлган, Самарқанд, Бухоро, Хива каби тарихий шаҳарлар ва беқиёс архитектурага эга бўлган мамлакатдир.

"Энг асосийси, бу ернинг халқи меҳмондўст, меҳмон келса ҳамиша хурсанд бўлишади ва ғарб цивилизацияси чанг солмаган аҳоли масканларига эга", — дейди Эллис.

Эслатиб ўтамиз, Ўзбекистонда яқинда 27 давлат фуқаролари учун виза тартиби бекор қилинганди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала