Рўйхатдан ўтиш муваффақиятли бўлди!
Илтимос, га жўнатилган хатдаги ҳаволага ўтинг
Жамият

Мирзиёев ҳокимларнинг ишдан олинишлари сабабини маълум қилди

© Пресс-служба президента РУзШавкат Мирзиёев
Шавкат Мирзиёев - Sputnik Ўзбекистон
Мирзиёев ўтган ҳафтада бирданига тўрт вилоят ҳокими алмашишига изоҳ берди

ТОШКЕНТ, 19 дек – Sputnik. Ўтган ҳафтада бирданига тўрт – Тошкент, Сирдарё, Сурхондарё, Бухоро вилоятлари ҳокимлари вазифасидан озод этилиб, уларнинг ўрнига янги ҳокимлар иш бошлади. Ўзбекистон Республикаси президенти Шавкат Мирзиёев ижтимоий тармоқдаги саҳифасида ҳокимларнинг алмашинуви сабабини маълум қилди.

"2 кунда 4 та вилоят ҳокими ишдан олинди ва виртуал қабулхонадан келаётган мурожаатлар билан ишлаш ҳолати уларнинг энг асосий камчиликларидан бири сифатида таъкидланди!", — дейилади саҳифада.

Шавкат Мирзиёев, Ўзбекистон Республикаси президенти - Sputnik Ўзбекистон
Сиёсат
Мирзиёев амалдорлардан бирига ҳайфсан берди

Шавкат Мирзиёев давлат раҳбарлигини қабул қилганидан кейин виртуал қабулхона очган эди. Маълумотларга кўра, виртуал қабулхона фаолият бошлаганидан сўнг 2 ой ўтиб, яъни 25 сентябрдан 30 ноябрга қадар порталга 220 мингдан зиёд мурожаат келиб тушди. Аксарият мурожаатларда кўрсатилган муаммолар тез вақт ичида самарали ҳал қилинди.

Шундан сўнг Мирзиёев барча шаҳар ва туманларда "халқ қабулхоналари" очишни, барча раҳбарлардан "халққа яқинроқ бўлиб, халқ дардига қулоқ тутишни" талаб қилди. Шунингдек, Ўзбекистонда "Давлат хизмати тўғрисида" қонун ишлаб чиқарилмоқда, унга кўра, ўз вазифасига лаёқатли бўлмаган амалдорлар маъмурий ва жиноий жазога тортилиши мумкин. Янги йилнинг "Халқ билан мулоқот ва инсон манфаатлари йили" деб эълон қилиниши ҳам ушбу йўналишда ҳали кўп яхши ишлар қилинишидан дарак беради.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала