ТОШКЕНТ, 25 дек — Sputnik. Сочидан осмонга кўтирилган Ту-154 самолёти бир неча дақиқа ўтиб, радарлардан йўқолиб қолди, деб хабар қилмоқда РИА Новости.
"Ҳаво кемаси осмонга кўтарилганидан 20 дақиқа ўтиб, радарлардан йўқолиб қолди. У 05:20да учиб чиқди, 05:40да эса — алоқага чиқмай қўйди", — деди воқеа хақида хабар берган фавқулодда ёрдам хизмати вакили.
Мудофаа вазирлигига тегишли бўлган Ту-154 самолёти Москва вилоятидаги Чкаловский аэропортидан учиб чиққан. Сочига эса ёнилғи қуйиш учун тўхтаган. Манбаа айтишига қараганда, у Краснодар вилоятидаги тоғли ҳудудларда қулаб тушган бўлиш эҳтимоли жуда катта.
Мудофаа вазирлигига тегишли бўлган ушбу самолёти Суриянинг Латакия вилоятига кетаётган бўлган. Самолётда 83 нафар йўловчи ва 8 нафар экипаж аъзолари бўлишган. Росавиация хабарига кўра, йўқолиб қолган самолёт фуқаро авиациясига тегишли эмас.
10:33 Йўқолиб қолган самолётда Александров номли ансамбл артистлари ҳамда Россиянинг ОРТ ва "Звезда" телеканалларининг 9 нафар журналистлари бўлишган. Улар Суриянинг Хмеймим аэродромига Россия ҳарбийларини Янги йил байрами билан табриклаш учун кетаётган бўлишган.
10:38 Йўқолган самолёт тоғли ҳудудларда МИ-8 вертолёти ва Қора денгизда эса — саккизта кема ёрдамида қидирилмоқда.
