ТОШКЕНТ, 31 дек — Sputnik. Орол денгизи қуриши оқибатида юзага келган муаммоларни ҳал қилиш, БМТ ва Ўзбекистон ҳамкорлигининг асоси бўлиб қолади.
Орол денгизи қуриш оқибатларини юмшатиш — иккала томон учун ҳам ҳамкорликнинг устувор йўналиши бўлиб қолади. БМТ келажакда ҳам ушбу муаммо оқибатларини бартараф қилишда ёрдам беришда давом этади", — деди БМТ янги бош котиби, Антониу Гутерреш ўзининг Шавкат Мирзиёевга йўллаган хабарида.
Гутерреш, шунингдек, Шавкат Мирзиёевни Ўзбекистон президенти лавозимига сайлангани билан табриклаб, Ўзбекистонга қилган таклифи учун Мирзиёевга миннатдорчилик билдирди.
"Сиз билан учрашувни ва ҳозирги замоннинг долзарб ҳудудий ва регионал чақириқларига барқарор ечимлар топиш мақсадида, бирга ишлаш имкониятини орзиқиб кутмоқдаман", — дейилган Гутеррешнинг жавоб хатида.
1960 йилларда дунёнинг тўртинчи энг йирик кўли бўлган Орол денгизининг сатҳи охирги 40 йил давомида икки баравар кичрайиб кетди. Сув даражаси 18 метрга пасайди. Мавжуд бўлган сув миқдори эса — беш баравар камайди. Бунинг оқибатида атрофдаги ерлар шўрланиб, ҳудуднинг фауна, флора ва инсон соғлиғига кескин таъсир кўрсатган экологик офат юз берди.
