Тошкентда метро линиясини такрорлайдиган автобус йўналишлари тўхтатилади

© анхор.узАвтобус
Автобус - Sputnik Ўзбекистон
Oбуна бўлиш
Тошкент шаҳар ҳокимиятига метрополитен линиясини такрорлайдиган ер усти жамоат транспорти йўналишларини тугатиш вазифаси юклатилди, деб хабар берилди Молия вазирлиги сайтида

ТОШКЕНТ, 3 янв — Sputnik. Тошкентда шаҳар ва шаҳар атрофидаги ер усти жамоат транспорти йўналишларини оптималлаштириш метрополитенга йўловчиларни жалб этиш мақсадида ўтказилмоқда, деб хабар тарқатган Ўзбекистон Молия вазирлиги ахборот-хизмати.

Тошкент метроси "Ўзбекистон темир йўллари" таркибига кирди
"Тошкент шаҳар ҳокимиятига метрополитен линиясини такрорлайдиган ер усти жамоат транспорти йўналишларини тугатиш вазифаси юклатилди", — дейилган хабарда.

Таъкидланишича, бу ҳақда Президентнинг "Тошкент метрополитени фаолиятини янада ривожлантириш ва самарадорлигини ошириш бўйича қўшимча чоралар тўғрисида"ги қарорида белгилаб қўйилган.

"Тошкент метрополитени"да йўловчиларни ташиш рентабеллигини ошириш мақсадида ер усти транспорти йўналишларини метрополитен линиялари билан такрорлашга йўл қўймаслик ва ер устидаги алоҳида йўналишларнинг давомийлиги ҳамда ҳаракатланиш схемасини ўзгартириш вазифаси қўйилган. Бундан ташқари қўшимча тарзда ер усти транспорти йўналишларининг сўнгги пунктларини метро бекатлари ёнида қуриш ҳам кўзда тутилган.

Эслатиб ўтамиз, 2016 йилнинг октябрь ойида "Тошкент метрополитени" ДУК "Ўзбекистон темир йўллари" АЖ ташкилий тузилмасига ўтказилганди.

Янгиликлар лентаси
0