Атамбаев ва Икромов ўзбек-қирғиз чегараси масалаларини муҳокама қилишди

© president.kgАлмазбек Атамбаев ва Адҳам Икромов учрашдилар
Алмазбек Атамбаев ва Адҳам Икромов учрашдилар - Sputnik Ўзбекистон
Oбуна бўлиш
Атамбаев Қирғизистон ва Ўзбекистон ўртасидаги дўстлик ва яхши қўшничилик муносабатларини мустаҳкамлаш бўйича ижобий ўсиш сезилаётганини мамнуният билан қайд этган

ТОШКЕНТ, 18 янв — Sputnik. Қирғизистон президенти Алмазбек Атамбаев Ўзбекистон бош вазири ўринбосари, Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари комплекси раҳбари Адҳам Икромов билан учрашди. Бу ҳақда Қирғизистон президенти матбуот хизмати хабар берди.

Ўш шаҳридаги учрашув - Sputnik Ўзбекистон
Ўзбекистон ва Қирғизистон чегара масалаларини муҳокама қилмоқда

Суҳбат давомида қирғиз-ўзбек давлат чегарасини делимитация ва демаркация қилиш масалалари бўйича Ўзбекистон ва Қирғизистон ҳукумат делегациялари ҳамкорликда олиб бораётган ишлар ҳақида маълумот берилди. Мазкур йўналишдаги ишларни амалга оширишни жадаллаштириш бўйича Қирғизистон президенти Алмазбек Атамбаев ва Ўзбекистон президенти Шавкат Мирзиёевнинг учрашувида келишиб олинган эди.

Учрашувда шунингдек, икки томонлама ҳамкорликнинг устувор йўналишлари бўйича қирғиз-ўзбек ҳамкорлигининг долзарб масалалари муҳокама қилинди.

Хабарда айтилишича, Атамбаев Қирғизистон ва Ўзбекистон ўртасидаги дўстлик ва яхши қўшничилик муносабатларини мустаҳкамлаш бўйича ижобий ўсиш сезилаётганини мамнуният билан қайд этган.

Учрашувда шунингдек, Қирғизистон бош вазири ўринбосари Жениш Разаков иштирок этган.

Янгиликлар лентаси
0