Жамият

Хивада ҳар бир хонадонга 100 тадан жўжа тарқатилиши мумкин

© Sputnik / Александр Кондратюк / Фотобанкка ўтишЖўжалар
Жўжалар - Sputnik Ўзбекистон
"Хива наслли парранда" МЧЖ томонидан ташкил этилиши режалаштирилаётган корхонада йилига 51 миллион дона тухум, 1 миллион 40 минг дона жўжа етиштириш мўлжалланмоқда. Бу ҳар бир хонадонга 100 тадан жўжа тарқатиш, аҳоли фаровонлигини ошириш имконини беради

ТОШКЕНТ, 28 янв — Sputnik. Ўзбекистон президенти Шавкат Мирзиёев 27 январ куни Хоразм вилоятига уюштирган сафари давомида  "Хива наслли парранда" масъулияти чекланган жамияти томонидан ташкил этилиши режалаштирилган паррандачилик маркази лойиҳаси билан танишди, деб хабар қилган Ўзбекистон ТИВ матбуот-хизмати.

Ўзбекистон Бош вазир ўринбосари Рустам Азимов - Sputnik Ўзбекистон
Жамият
Азимов қорақалпоқ халқига давлатманд бўлиш сирини ошкор қилди
Корхонада Италия ва Хитой ускуналари асосида йилига 51 миллион дона тухум, 1 миллион 40 минг дона жўжа етиштириш мўлжалланмоқда.

"Бу ҳар бир хонадонга 100 тадан жўжа тарқатиш, аҳоли фаровонлигини ошириш имконини беради. Корхонада 50 иш ўрни яратилади", — дейилади хабарда.

Учрашув давомида етти хазинанинг бири сифатида тилга олинадиган паррандачилик ва балиқчилик бўйича ишга солинмаган имкониятлар кўплиги, бу тармоқлар аҳолини гўшт ва тухум билан таъминлаш, оилаларга даромад манбаи яратишда муҳим ўрин тутиши таъкидланган.

Агрофирмалар ташкил этиш орқали бу маҳсулотларни экспорт қилиш ҳам мумкинлиги қайд этилган.

Мирзиёев шунингдек Хива тумани Чодра қишлоғида Хурсанд Мадримов ва Оллаберган Раҳимов хонадонларига кириб, уларнинг турмуш шароити, даромадлари билан қизиққан. Яшовчилар билан суҳбатда томорқадан самарали фойдаланиш, лимон, ёнғоқ, анор, анжир каби сердаромад экинлар экиш зарурлиги ҳақида сўз борган.

Янгиликлар лентаси
0
Аввал янгилариАввал эскилари
loader