ТОШКЕНТ, 4 фев — Sputnik. 2017-йил 3-феврал куни Ўзбекистон Республикаси Ташқи ишлар вазирлигида Тожикистон Республикасининг Фавқулодда ва Мухтор Элсчиси Содиқ Имоми билан учрашув бўлиб ўтди, деб хабар қилган Ўзбекистон ТИВ матбуот-хизмати.
"Суҳбат давомида икки томон кун тартибининг жорий масалалари, 2016 йилнинг 27-28-декабр кунлари Душанбе шаҳрида бўлиб ўтган савдо-иқтисодий ҳамкорлик бўйича Ўзбекистон-Тожикистон Ҳукуматлараро комиссиясининг 4-мажлиси доирасида эришилган келишувларни амалга ошириш жараёни муҳокама қилинди", — дейилади хабарда.
Учрашувда турли даражаларда бўлажак учрашувларга тайёргарлик кўришнинг амалий жиҳатлари кўриб чиқилган.
