ТОШКЕНТ, 20 фев – Sputnik. Интернетда ва ОАВларда тарқалган видеолавҳага кўра, Ким Чен Нам Малайзия аэропортида чиптани автоматик рўйхатдан ўтказиш қурилмаси ёнида тўхтайди. Шу вақт орқа томондан унга икки аёл яқинлашиб келади. Бир вақтнинг ўзида улардан бири унинг ўнг қўлини маҳкам тутиб олади иккинчи аёл эса Намнинг чап қўлини ушлайди ва оғиз-бурнига қандайдир матони бир неча сонияга босиб туради.
Шундан кейин аёллар тезда ғойиб бўлишади. Ким Чен Нам аэропорт хавфсизлик хизмати ва маълумотлар столига бориб унга ҳужум қилишганини айтади ва ҳушидан кетиб йиқилади. Етиб келган тез ёрдам уни касалхонага олиб боради, лекин унга ҳеч ким ёрдам бера олмайди. Ҳидланган заҳардан унинг юраги тўхтайди ва у вафот этади.
Жанубий Корея ушбу қотилликда Шимолий Корея махсус хизматларини айбламоқда. Ушбу иш юзасида Малайзия полицияси бир неча кишини, жумладан қотилликни амалга оширган икки аёлни ҳам қўлга олган.
Аёллардан бири Сити Айсиса номли Индонезия фуқароси бўлиб, у полицияга ушбу ишни у “ҳазил телекўрсатуви” доирасида амалга ошираяпман деб ўйлаган. Унга шундай деб тушунтиришган ва бунинг учун пул тўлашган.
Эслатиб ўтамиз, Ким Чен Нам, Ким Чен Иннинг ўгай акасидир. Уларнинг оналари бошқа. Ким Чен Нам бир неча йил олдин Шимолий Кореяни тарк этган ва Сингапур, Гонконг ва Макао шаҳарларида яшаб келган. У бир неча бор Шимолий Кореядаги династия бошқарувини қаттиқ танқид остига олган эди.
