ТОШКЕНТ, 21 фев — Sputnik. Ўзбекистоннинг Россиядаги дипломатик ваколатхонаси консуллик бўлими Саратов вилоятида рўй берган ЙТҲ оқибатида тўрт нафар ўзбекистонлик ҳалок бўлганини тасдиқлади, айни пайтда уларнинг шахси аниқланмоқда, деб хабар берди РИА Новости Москвадаги элчихона вакилига таяниб.
Илгарироқ Саратов вилоятининг Петровск туманидаги Тарумовка қишлоғида юз берган енгил машиналар тўқнашуви оқибатида олти киши ҳалок бўлганлиги ҳақида хабар берилганди.
Вилоят прокуратурасининг маълумотига кўра, ЙТҲ натижасида тўрт нафар Ўзбекистонфуқароси ва бир нафар Тожикистон фуқароси ҳалок бўлган. Қурбон бўлган олтинчи шахс эса Петровск шаҳрида яшаган. Полиция ҳодиса юзасидан текширув олиб бормоқда.
"Консуллик бўлимимиз ҳозирда ушбу масала бўйича иш олиб бормоқда. Ҳалок бўлганларнинг шахси ФВВ, маҳаллий ўзбеклар ёрдамида аниқланмоқда. Консуллик бўлими ушбу ҳодиса юзасидан барча Россия тузилмалари билан алоқада", — деган агентлик суҳбатдоши.
