Ози фойда, кўпи зарар - "Аспирин" ҳақида

© Sputnik / Сергей Пятаков / Медиабанкка ўтишФармацевтик корхонасидаги блистер машинаси
Фармацевтик корхонасидаги блистер машинаси - Sputnik Ўзбекистон
Oбуна бўлиш
Бу "мўъжиза"ли дорининг инсон саломатлигига зарари ҳақида ҳеч ўйлаб кўрганмисиз? Уни қачон, қанча миқдорда ичишни ҳам, сурункали касалликка ёки ножўя таъсири бор-йўқлигини ҳисобга олганмисиз?

ТОШКЕНТ, 22 фев — Sputnik. Аспиринни назоратсиз қабул қилиш натижасида қон томирлар девори синиб, ёрилади, деб хабар қилади "Зарафшон" нашри.

Дори воситалари - Sputnik Ўзбекистон
Ёш ўзбек олими ошпиёздан янги, юқори самарали дори яратиш устида ишламоқда
"Қайси дорихонага кирманг, албатта, "Аспирин"ни топасиз. Чунки бу дори оғриқ қолдиради, иситмани туширади. Шифокорлар тавсияси билан инфаркт, инсультнинг олдини олишда ҳам бундан кенг фойдаланишади. Лекин бу "мўъжиза"ли дорининг инсон саломатлигига зарари ҳақида ҳеч ўйлаб кўрганмисиз? Уни қачон, қанча миқдорда ичишни ҳам, сурункали касалликка ёки ножўя таъсири бор-йўқлигини ҳисобга олганмисиз?", — деб ёзади нашр.

Шифокорлар беморларнинг ёшига қараб, юрак инфаркти ва инсультлар профилактикаси мақсадида "Аспирин" (ацетилсалицил кислота)ни кичик миқдорда ичишни тавсия қилишади. У қон тромбоцитларининг бир-бирига ёпишишига, тромб ҳосил бўлиши ва қон томирларнинг тиқин билан беркилиб қолишининг олдини олади. Аммо дорининг узоқ вақт давомида қўлланилиши геморрагик инсультни авж олдирар экан. Чунки у қон томирлар девори фаолиятини таъминлайдиган ферментлар вазифасини чеклайди.

СамДТИ гематология курси мудири, доцент Ўткир Дадажонов ва доцент Каттабек Абдиевларга кўра аспиринни назоратсиз қабул қилиш натижасида қон томирлар девори синиб, ёрилади.

Кексаларда қон томирлар синувчан бўлади. Шу сабаб уларнинг тана ва қўллари ўз-ўзидан кўкариб қолади. Бундай беморларга кўпроқ наъматак дамламаси қабул қилиш тавсия этилади. Аммо таркибида "Аспирин" бўлган ва носпецифик яллиғланишга қарши воситаларни қабул қилиш тавсия этилмайди. Шунингдек, уларга сирка кислотаси қўшилган маҳсулотлар истеъмол қилиш ҳам тавсия қилинмайди. Чунки у организмда "Аспирин"га айланади. Қандли диабет билан оғриган беморларга ҳам шундай маслаҳат берилади.

"Аспирин" меъда-ичак яраси ёки эрозияси, қон кетишни ҳам чақиради. У ароқ, кетчуп, майонез, салатлар, шаурма, хот дог, фастфудлар тановулидан кейин қабул қилинса, ичакдан қон кетишига сабаб бўлиши мумкин.

Янгиликлар лентаси
0