Жамият

Шавкат Мирзиёев Тошкентда янги кўприк очди

© SputnikТошкентда ыурилган янги кўприк
Тошкентда ыурилган янги кўприк - Sputnik Ўзбекистон
Бўзсу канали устида қурилган янги кўприкнинг узунлиги 400 метрдан зиёд. Автомобиллар ҳаракати учун 8 қатор йўлак, пиёдалар учун кўприкнинг икки четида кенглиги 2метр бўлган йўлаклар қурилган.

ТОШКЕНТ, 25 мар — Sputnik. Кеча тошкентда янги кўприк фойдаланишга топширилди, унинг очилиш маросимида Ўзбекистон президенти Шавкат Мирзиёев иштирок этди, деб хабар қилмоқда Sputnik  мухбири.

Ўзбекистон президенти Шавкат Мирзиёев - Sputnik Ўзбекистон
Иқтисод
Шавкат Мирзиёев пойтахтдаги янги йўл ўтказгич лойиҳаси билан танишди

Кўприкнинг узунлиги 423 метр, баландлиги 5,5 метр ва кенглиги 33 метр. Кўприк Юнусободдаги Янги шаҳар ва Боғишамол кўчаларини туташтирди. Кўприкнинг асосий вазифаси Тошкент ҳалқа йўли ва Амир Темур шоҳ кўчасидан ўтган транспор оқимини камайтириш.

Шавкат Мирзиёев айтишига қараганда янги кўприк Юнус-Обод ва Мирзо Улуғбек туманларини бирлаштирувчи транспорт артерияларини бир бирига улайди. Бу эса пойтахт учун жуда муҳим, чунки олдин бир тумандан иккинчи туманга бориш учун 20 километр масофа босиб ўиш керак бўлар эди.

“Бундай кенг кўламли ва эзгу ишлар туфайли пойтахтимиз йўлларининг хизмат кўрсатиш сифати ва самарадорлиги тубдан яхшиланмоқда. Мазкур янги кўприк автомобилларнинг ўтиш имкониятларини бир неча марта ошириш баробарида аҳолига бир қанча қулайликлар яратади. Мана шундай замонавий кўприкнинг қисқа вақтда барпо этилгани мамлакатимизнинг жадал ривожланиб бораётгани, халқимиз улкан ютуқ ва марраларга эришаётганидан далолатдир”, — деди Шавкат Мирзиёев кўприк очилиш маросимида.

Янги кўприк устида автомобил ҳаракати учун 8 қатор йўлак, кўприкнинг икки четида пиёдалар қулайлиги чун кенг йўлаклар барпо этилган. Кўпри катрофидаги майдонлар ободонлаштирилган, автобус бекатлари қурилган ва ер ости пиёдалар йўлаги ҳам барпо этилган.

© SputnikБўзсу устида қурилган янги кўприк
Новый мост через канал Бозсу в Ташкенте - Sputnik Ўзбекистон
Бўзсу устида қурилган янги кўприк
Эслатиб ўтамиз, янги иншоот “Ўзбекистон Темир йўллари” АЖнинг Кўприк қурилиш трестининг, 67- бўлими томонидан олти ой давомида қуриб битказилди.

 

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала