Иккинчи жаҳон уруши қатнашчилари ҳаж сафарига имтиёзли равишда боришади

© Sputnik / Михаил Воскресенский / Медиабанкка ўтишМакка шаҳридаги зиёратчилар
Макка шаҳридаги зиёратчилар - Sputnik Ўзбекистон
Oбуна бўлиш
Бу ҳақда 8 апрель куни Ўзбекистон Республикаси Бош вазири Абдулла Арипов томонидан ўтказилган видеоселектор давомида маълум қилинган

ТОШКЕНТ, 10 апр — Sputnik. 8 апрель куни Ўзбекистон Республикаси Бош вазири Абдулла Арипов президентнинг 2017 йил 4 апрелдаги "Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида"ги қарорида белгиланган вазифалар ижросини сўзсиз таъминлаш масалаларига бағишланган видеоселектор мажлис ўтказган.

Мажлис давомида Республика "Нуроний" жамғармаси вакили томонидан иккинчи жаҳон уруши қатнашчиларини муборак ҳаж сафарига имтиёзли равишда юбориш таклифи берилган.

Уруш ветеранлари навбатсиз машина олади
"Бош вазир ушбу таклифга жавобан, президент томонидан иккинчи жаҳон уруши қатнашчиларининг ҳар қандай талаб ва истакларини инобатга олиш ҳақида сўзлаганлари, агарда улар ҳаж сафарига бориш истагини билдирса, давлатимиз томонидан албатта бепул бориб келишларини билдирган. Иккинчи жаҳон уруши қатнашганларларнинг  аксарияти айни пайтда 90 ёшдан ошганлигига алоҳида эътибор қаратиш лозимлиги ҳам айтиб ўтилган", — деб ёзади "кун.уз" нашри.

Таъкидланишича, "Нуроний" жамғармасига рўйҳатни шакллантириш бўйича тавсиялар берилган.

Шунингдек, байрам тадбирларида иштирок этувчи иккинчи жаҳон уруши қатнашчиларининг тадбирлар давомида уринтириб қўймаслик, кўнглига қараб иш кўриш ҳақида ҳамда байрамда кийишлари учун либослари ҳам давлат томонидан берилиши айтиб ўтилди.

Янгиликлар лентаси
0