ИИВ ҳузуридаги Тергов Департаменти терговчи ва суриштирувчи лавозимларига одам излаяпти

© Sputnik / СтрингерИИВ ходимлари иш вақтида
ИИВ ходимлари иш вақтида - Sputnik Ўзбекистон
Oбуна бўлиш
Тергов Департаменти органларининг туман-шаҳар бўлимларига терговчи ва суриштирувчи лавозимларига номзодлар қидирилмоқда

ТОШКЕНТ, 27 апр — Sputnik. Ўзбекистон Республикаси Ички ишлар вазирлиги ҳузуридаги Тергов Департаменти органларининг туман-шаҳар бўлимларига терговчи ва суриштирувчи лавозимларига хизматга қабул қилиш бўйича номзодлар учун танлов эълон қилинади, деб хабар қилган Ўзбекистон ИИВ матбуот-хизмати.

Ўзбек милиция ходимларининг патурл машинаси - Sputnik Ўзбекистон
Ўзбекистон ИИВ ишчи-хизматчи лавозимларига даъвогарларни излаяпти
Мавжуд бўш ўринларни малакали ходимлар билан жамлаш мақсадида Ички ишлар вазирлигининг амалдаги буйруғининг қуйидаги талабларига мос келадиган:

— бўйи 170 сантиметрдан паст бўлмаган;

— олий юридик маълумотга эга бўлган;

— Қуролли кучлар сафида муддатли, бир ойлик хизматни ўтаган ёки олий ўқув юртининг ҳарбий кафедрасида таҳсил олган;

— ички ишлар органларига қабул қилинганлиги ҳақида буйруқ чиққунига қадар 30 ёшга тўлмаган;

— белгиланган тартибдаги ҳужжатларни тўлиқ тақдим этган;

Ўзбекистон ИИВ Академияси - Sputnik Ўзбекистон
Ички ишлар Академиясида сиртдан ўқиш мумкин бўлади
-Ўзбекистон Республикаси Ички ишлар вазирлигининг соҳага оид амалдаги буйруғи талаблари асосида бошланғич суҳбатдан ўтган;

— тегишли синовларни (диктант, индивидуал психологик тест, спорт нормативларини) топширган;

— ҳарбий-тиббий кўрикдан ўтган;

— мутахассислиги бўйича ўрнатилган тартибда амалиётни ўтаган;

— якуний тест синовларини муваффақиятли топширган;

— ўз халқи олдидаги бурчларини тўла-тўкис англайдиган, хизмат вазифасига садоқатли, масъулиятни юқори даражада ҳис этадиган, қатъиятли ва теран фикрлаш қобилиятига эга, фидойи, ватанпарвар, жамиятда юз бераётган воқеа ва ҳодисалар моҳиятини теран англаб, улар юзасидан шахсий фикрини билдира оладиган, давлат сиёсатини қатъият билан, оғишмай ҳаётга татбиқ қилиб, давлат ва хизмат сирларини сақлаб, Ўзбекистон Республикасининг қонунларини сўзсиз бажарадиган;

Ўзбек милициясининг кечаси ва бугуни
-ўзи ва унинг яқин қариндошлари қонунга итоаткор руҳида тарбияланган, бошқаларга шахсий намуна бўла оладиган, халқ манфаатини ҳамма нарсадан устун қўядиган, ҳуқуқбузарлик содир этишга мойил бўлмаган Ўзбекистон Республикаси фуқаролари Ички ишлар вазирлиги ҳузуридаги Тергов департаменти органларининг туман-шаҳар бўлимларига терговчи ва суриштирувчи лавозимларига хизматга қабул қилинади.

Номзодлар Қорақалпоғистон Республикаси ИИВ, Тошкент шаҳар ИИББ ва вилоятлар ИИБ ҳузуридаги Тергов бошқармаларига мурожаат қилиши мумкин.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0