Халқлар дўстлиги ёдгорлиги Тошкент марказига қайтарилади

© Nuz.uzПамятник семье Шоахмеда и Бахри Шомахмудовых
Памятник семье Шоахмеда и Бахри Шомахмудовых - Sputnik Ўзбекистон
Oбуна бўлиш
Иккинчи жаҳон уруши йилларида 15 нафар етим болани асраб олиб, катта қилган Шомахмудовлар оиласи жасорати шарафига ўрнатилган ушбу ҳайкал – ўзбек халқининг ҳақиқий меҳрибонлик ва инсонпарварлик тимсоли эди.

ТОШКЕНТ, 30 апр — Sputnik. Халқлар дўстлиги майдонида ўрнатилган ушбу ёдгорлик 2008 йилда, номаълум сабабларга кўра, бузиб олиб шаҳар четига кўчирилган эди.

Бугун ушбу ёдгорликни шаҳар марказига қайтаришга қарор қилинган. Nuz.uz хабарига кўра Республика халқаро маданият маркази ушбу хабарни тасдиқлаган.

“Бу  борада ҳукумат қарори қабул қилинган. Республика халқаро маданият маркази ушбу ёдгорлик Дўстлик боғига (собиқ Бобур боғи) кўчирилишига умид билдиради”, — дейилган хабарда.

Ушбу ёдгорликни қаерга кўчириш масаласи йил бошидан буён ўрганилмоқда. Бу борада бир неча таклифлар киритилган.

Эслатиб ўтамиз, “Халқлар дўстлиги” ёдгорлиги 1982 йилнинг 26 май куни Тошкентдаги “Халқлар дўслиги” саройи олдидаги майдонда ўрнатилган эди. Ёдгорлик марказида темирчи Шоахмад ва Баҳри Шомахмудовлар, уларнинг атрофида эса 15 нафар бола тасвирланган.

© Sputnik / Н. Утарбеков / Медиабанкка ўтиш"Халқлар дўстлиги" ёдгорлигининг очилиш маросими 1982 йил
Памятник семье кузнеца Шаахмеда Шамахмудова - Sputnik Ўзбекистон
"Халқлар дўстлиги" ёдгорлигининг очилиш маросими 1982 йил
Иккинчи жаҳон уруши йилларида ота-онасиз қолган юз минглаб етим болалар Ўзбекистонга эвакуация қилинган. Тошкент аёлларининг чақириғига биноан минглаб ўзбек оилалари эвакуация қилинган болаларни ўз уйларида асраб ола бошлашди. Улар орасида темирчи Шоахмад Шомахмудов ва Баҳри Шомахмудовалар ҳам, 15 нафар болани асраб олишган.

Шомахмудовлар асраб олган болалар орасида рус, белорус, молдаван, латиш, қозоқ, татар, яҳудий ва немис миллатига мансуб болалар бўлган. Шоахмад ота ва Баҳри ая уларни ўз меҳри муруввати билан қуршаб олишган. Асраб олинган болаларнинг ҳаммаси муносиб инсон бўлиб катта бўлишган.

Совет Иттифоқи даврида Шомахмудовлар оиласи “Ҳурмат белгиси”, “Қаҳрамон она” мукофотлари билан тақдирланган. Ушбу оила ёзувчи Раҳмат Файзининг “Ҳазрати инсон” романи ҳамда “Ўзбекфилм”да суратга олинган “Сен етим эмассан” кинофилмининг бош қаҳрамонларига айланган.

Янгиликлар лентаси
0