ТОШКЕНТ, 2 май — Sputnik. Ўзбекистон Ички ишлар вазирлиги ички вазифалар қўшинлари 1 майдан бошлаб яна тузилма таркибига қайтарилди. Бу ҳақда бугун бўлиб ўтган брифинг анжуманида Ўзбекистон Ички ишлар вазири Абдусалом Азизов маълум қилди.
"1 майдан бошлаб мазкур қўшин тури тўлиқ Ички ишлар вазирлигига бўйсундирилди. Мен куни кеча бир қатор батальонларга бордим, улар ҳар қандай таҳдидларни қайтаришга тайёр ҳолатда. Биз улар келгусида махсус тайёргарликдан ўтишлари учун фаол ишларни амалга оширамиз. Бизда ҳар қандай тажовузкорликни қайтаришга кучимиз ва воситаларимиз етарли. Шу кунларда биз ушбу қўшинлар таркибида эски синалган жангчилардан кимлар қолганини таҳлил қилдик, кимлар ўз тажрибасини ёшларга ўргатиши мумкинлигини ўргандик. Уларнинг ҳаммасини янги ишга жалб қиламиз", — дея таъкидлади Азизов.
Ушбу ҳужжат "Барс" махсус отряди тақдирини ҳал қилади.
"Барс" махсус отряди 2009 йилда Андижон воқеаларидан сўнг тарқатиб юборилган.
Аммо, вазир, "Барс" асосида қандайдир бўлинма ташкил этилиши ёки умуман янги махсус отряд яратилиши режалаштирилганлиги ҳақида маълумот бермади.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
