Мирзиёев Жанубий Кореянинг янги раҳбарига табрик йўллади

ТОШКЕНТ, 10 май — Sputnik. Ўзбекистон президенти Шавкат Мирзиёев Мун Чжэ Инни Корея Республикаси Президенти этиб сайлангани билан табриклади,деб хабар қилди Ўзбекистон ТИВ матбуот-хизмати.

"25 йиллик дипломатик муносабатлар давомида Ўзбекистон Республикаси билан Корея Республикаси ўртасида чинакам дўстона алоқалар, мустаҳкам стратегик ҳамкорлик муносабатлари, икки томон кун тартибининг барча масалалари юзасидан ҳамда халқаро ташкилотлар доирасида конструктив мулоқот ўрнатилди", — деб эътироф этилган мактубда.

Қайд этаъкидланишича, томонлар автомобилсозлик, машинасозлик, электр энергетика, нефть-газ, электротехника, тўқимачилик саноати, ахборот технологиялари, телекоммуникация ва бошқа соҳаларда Жанубий Кореянинг етакчи компаниялари иштирокида инвестицион ҳамкорлик борасида улкан ижобий тажриба тўплаган.

Давлат раҳбарининг таъкидлашича, Ўзбекистон ўз ташқи сиёсатида изчиллик ва тадрижийликни сақлаган ҳолда Корея Республикаси билан дўстликни ва конструктив ҳамкорликни мустаҳкамлашга қаратилган йўлдан олға боради.

Ўзбекистон Президенти Мун Чжэ Инни қулай вақтда мамлакатга ташриф буюришга таклиф этди.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.