Қўриқлаш хизмати: Ўзбекистонда тез орада машина ўғирлигига чек қўйилади

© СтрингерМилиция хизмат машинаси
Милиция хизмат машинаси - Sputnik Ўзбекистон
Oбуна бўлиш
Ўзбекистонда эндиликда машина ўғирлаб қочилган тақдирда, автомобилдан тарқаладиган махсус сигналлар орқали қўриқлаш хизмати ходимлари ўғрининг ҳаракатланиш жойини аниқлайдилар ва зудлик билан қўлга оладилар

TOШКЕНТ, 12 май — Sputnik, Дилшода Раҳматова. Қўриқлаш хизмати ходимлари томонидан жорий қилиниши режалаштирилаётган янги қурилма аксарият автомобил ҳайдовчиларида шубҳа-гумонларни туғдирди.

Автомобил ўғриси - Sputnik Ўзбекистон
Ўзбек милицияси машиналарга ўғриларга қарши мослама ўрнатишга киришади
Хабар ижтимоий тармоқлар орқали тарқатилгач, интернет фойдаланувчилари янгиликка нисбатан ўз муносабатларини бирдиришга шошилдилар.

Жумладан, Жаҳонгир Раҳимжон ўғли "Ўғриям аҳмоқми…мосламани ё ўчириб қўяди ёки сигнал блокираторни ёқиб, автомобилни бемалол "ухлатиб" кетади…", дея фикр билдирди.

Автомобил соҳибларини ўйлантираётган бу саволга жавоб олиш мақсадида Республика Қўриқлаш Бош бошқармаси билан боғландик.

Қўриқлаш хизмати ходими айни вақтда ушбу муаммо устида иш олиб борилаётганини маълум қилди.

"Электрон мосламани жорий қиладиган бўлсак, бундай муаммо вужудга келишини ҳам ҳисобга олганмиз. Айни вақтда бу устида иш олиб борилмоқда. Хизмат жорий қилингунга қадар сиз айтган муаммо бартараф этилади", — деб таъкидлади Қўриқлаш бошқармаси вакили.

Шундай экан, автомобил эгалари ортиқча ташвишланишларига ҳожат йўқ.

Тулки тулкилигини қилгунча, териси қўлдан қўлга ўтар, деган мақол бор. Қўриқлаш хизмати ҳам мудраётгани йўқ.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0