Жамият

Шавкат Мирзиёев: Биз хитойлик тадбиркорлар билан бирга ишлашдан мамнунмиз

© Jason Lee/Pool Photo via APПрезидент Узбекистана Шавкат Мирзиёев во время переговоров в Пекине
Президент Узбекистана Шавкат Мирзиёев во время переговоров в Пекине - Sputnik Ўзбекистон
Ўзбекистон президенти Хитой ишбилармон доиралари вакиллари билан учрашди

TOШКЕНТ, 13 май — Sputnik. Учрашувда ўзаро муносабатларнинг бугунги ҳолати ва истиқболлари, Ўзбекистон ва Хитой ўртасидаги узоқ муддатли ҳамкорликни мустаҳкамлаш ва изчил ривожлантиришнинг устувор йўналишлари ҳақида сўз борди. Бу ҳақда Ўзбекистон президенти матбуот хизмати хабар берди.

Подписание документов во время визита Шавката Мирзиёева в Китай - Sputnik Ўзбекистон
Жамият
Ўзбекистон ва Хитой газ ва гидроэнергетика бўйича келишувлар имзолади

Мулоқотда Ўзбекистонда ХХРнинг етакчи саноат компаниялари билан узоқ муддатли ва ўзаро манфаатли алоқалар йўлга қўйилгани, нефт-газ ва телекоммуникация тармоқлари, транспорт, тўқимачилик, сайёҳлик, қурилиш, кимё саноатида ва бошқа йўналишларда қўшма лойиҳалар муваффақиятли амалга оширилаётгани қайд этилди.

"Бу ерда Ўзбекистон билан ҳамкорлик қилиб келаётган ишбилармонларни кўраётганимдан хурсандман, —деди Ўзбекистон президенти. — Биз хитойлик тадбиркорлар билан бирга ишлашдан мамнунмиз".

Шавкат Мирзиёев Хитой бизнес субъектлари Ўзбекистондаги кўплаб янги саноат корхоналарида ишлаб чиқаришни йўлга қўйганини қайд этди.

"Хитой Ўзбекистон иқтисодиётига энг кўп инвестиция киритаётган давлатлардан биридир. Республикада Хитой капитали иштирокидаги 700 дан зиёд компания ва корхона фаолият кўрсатмоқда. Ўтган йиллар давомида хитойлик сармоядорлар Ўзбекистон иқтисодиётига қарийб 8 миллиард доллар миқдорида инвестиция киритгани барчамизни хурсанд қилади", деди Шавкат Мирзиёев.

Председатель КНР Си Цзиньпин и президент Узбекистана Шавкат Мирзиёев - Sputnik Ўзбекистон
Жамият
Дастлабки натижа: Пекин ва Тошкент қайси соҳаларда ҳамкорлик қилади

Учрашувда савдо-иқтисодий, инвестициявий, молиявий, техникавий, энергетика соҳаларидаги ҳамкорликни янада ривожлантириш, ўзаро савдо айланмаси ҳажмини оширишга оид масалалар хусусида сўз юритилди.

Ўзбекистон раҳбари бугунги кунда Ўзбекистонда самарали фаолият юритаётган хитойлик ишбилармонларга миннатдорлик билдирди, алоқаларни янада ривожлантириш тарафдори эканлигини қайд этди.

Учрашувда Ўзбекистон – Хитой ҳукуматлараро ҳамкорлик қўмитаси ҳамраиси Мен Цзен Чжу, "CОFCО" корпорацияси директорлар кенгаши раиси Чжао Шуанлян, Хитой давлат тараққиёт банки вице-президенти Чжан Сюгуан, Хитой Эксимбанки вице-президенти Сун Пин, "Поли интернешнл" компанияси бош директори ёрдамчиси Мяо Цзечун ва бошқалар Ўзбекистон билан ҳамкорлик юқори натижалар бераётгани, бундан кейин ҳам ўзаро алоқаларни давом эттиришдан манфаатдор эканини таъкидлади.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала