ТОШКЕНТ, 23 май — Sputnik. Тошкент шаҳар ИИББ ходимлари тезкор-қидирув тадбирлари давомида ижарага олинган хонадонда фоҳишахона ташкил қилган Марҳамат Нишоновани қўлга олишди, деб хабар бермоқда "Подробно.уз".
12 май куни тунда Нишонова Яшнобод туманидаги ижарага олинган хонадонини жуфтликка жинсий майлларини қондириш учун берган. У мазкур "хизмат" учун 100 минг сўм олган.
Руслан Ножкин исмли шахс ҳам худди шундай фаолияти билан шуғулланган. У 18 май куни эрталаб Яшнобод туманидаги хонадонини 40 минг сўм эвазига "севишганлар"га ижарага берган.
Ушбу ҳолатлар юзасидан Нишонова ва Ножкинга нисбатан Ўзбекистон Жиноят кодексининг 131-моддаси 2-қисми бўйича жиноят иши қўзғатилди.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
