ТОШКЕНТ, 23 май — Sputnik. 8 июнь куни Тошкентдаги "Истиқлол" санъат саройида италиялик машҳур тенор Андреа Бочелли чиқиш қилади. Мусиқачи Тошкентда илк бор ўзининг яккахон концерт дастурини намойиш этади.
Андреа Бочелли концерти Ўзбекистон Маданият вазирлиги ҳамда россиялик меценат Алишер Усмонов қўллаб-қувватлаши остида ташкил этилмоқда.
Концерт оқшоми икки қисмдан иборат бўлади. Биринчи қисмда Бочелли энг машҳур опералардан ариялар ижро этса, иккинчи қисмда Андреанинг машҳур хитлари янграйди.
Машҳур тенор билан бир саҳнада махсус меҳмонлар чиқиш қилиши кутилмоқда. Уларнинг чиқишлари томошабинлар учун ёқимли сюрприз бўлади.
Андреа Бочеллини "Янги минг йиллик овози" деб аташади. Танқидчиларнинг фикрича, унинг овози опера оламига янги нафас олиб кирган.
Бочелли мусиқадан ташқари ижтимоий фанларга қизиқади. У Пиза университетини тамомлаган ва юрист дипломини олган.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.