ТОШКЕНТ, 23 май — Sputnik. Ўзбекистон ва Белоруссия Бош прокуратуралари террорчилик ва наркотикларга қарши курашда ҳамкорлик қилиш тўғрисида битим имзолашди.
Ушбу битим Ўзбекистонга амалга оширилган ташриф чоғида Беларусь Республикаси Бош прокурори Александ Конюк томонидан имзоланди. Бу ҳақда Ўзбекистон Бош прокуратураси матбуот хизмати хабар бермоқда.
"Беларусь делегацияси ташрифи давомида Ўзбекистон Бош прокуратурасида музокаралар ўтказилди. Жинойи-ҳуқуқий соҳада икки томонлама ҳамкорлик қилиш масалалари муҳокама қилинди. Музокаралар якунида ўзаро ҳамкорлик тўғрисида битим имзоланди", — дейилган хабарда.
Ушбу битим доирасида икки давлат Бош прокуратуралари томонидан фуқароларнинг ҳуқуқ ва эркинликлари ҳимоясини таъминлаш, жиноятчиликка қарши кураш,
Шу билан бирга, икки давлатнинг прокуратура идоралари орасида тергов текширувларни ўтказиш, фуқаролар ва юридик шахсларнинг мурожаатларини кўриб чиқиш бўйича ҳамкорлик йўлга қўйилади. Томонлар жиноятларнинг олдини олиш, аниқлаш, фош этиш ва тергов қилиш борасида маълумотлар билан алмашиш юзасидан ҳам келишувга эришишди.
Беларусь делегацияси Ўзбекистон Олий судига ҳам ташриф буюришди. У ерда мамлакатда суд-ҳуқуқ соҳасида олиб борилаётган ислоҳотлар билан танишдилар.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
