Сиёсат

Афғонистондаги курашаётган томонларни муросага келтириш масалалари муҳокама қилинди

© Sputnik / А. Соломонов / Медиабанкка ўтишАфғонистондаги қуролланган отряд
Афғонистондаги қуролланган отряд - Sputnik Ўзбекистон
Обуна бўлиш
НовостиTelegram
БМТнинг Афғонистонга кўмаклашиш бўйича миссияси ёрдамида ўтказилган тадбирда 20 дан ортиқ давлатлар делегациялари иштирокида Афғонистон, минтақа ва жаҳондаги хавфсизлик ва терроризм таҳдиди муаммолари ҳамда Афғонистондаги курашаётган томонларни муросага келтириш масалалари муҳокама қилинди

ТОШКЕНТ, 8 июн — Sputnik. 2017-йилнинг 6-июн куни Ўзбекистон Республикаси Президентининг Афғонистон бўйича Махсус вакили бошчилигидаги делегация Афғонистон Ислом Республикаси пойтахтида ўтказилган "Қобул жараёни" халқаро учрашувида иштирок этди, деб хабар берди "Жаҳон" АА.

Мирзиёевнинг Афғонистон бўйича махсус вакили лавозими жорий этилди
БМТнинг Афғонистонга кўмаклашиш бўйича миссияси ёрдамида Афғонистон Ислом Республикаси ташаббуси билан ўтказилган тадбирда 20 дан ортиқ давлатлар, жумладан қўшни мамлакатлар делегациялари иштирокида Афғонистон, минтақа ва жаҳондаги хавфсизлик ва терроризм таҳдиди муаммолари ҳамда Афғонистондаги курашаётган томонларни муросага келтириш масалалари муҳокама қилинди.

Конференцияда Афғонистон Ислом Республикаси Президенти Муҳаммад Ашраф Ғани ва Афғонистон Ҳукумати Ижроши Раиси Абдулла Абдулла нутқ сўзлади.

Афғонистондаги вазият - Sputnik Ўзбекистон
Сиёсат
Ўзбекистон ва АҚШ Афғонистон масаласини муҳокама қилди
6-7-июн кунлари Қобул шаҳрида Ўзбекистон делегациясини Афғонистон Президенти Муҳаммад Ашраф Ғани қабул қилди, Афғонистон Президентининг инфратузилмалар, кадрлар ресурслари ва технологиялар бўйича катта маслаҳатчиси Ҳумоюн Қаюмий, Афғонистон Президентининг қишлоқ хўжалиги ва ривожланиш масалалари бўйича катта маслаҳатчиси Абдул Ҳамид Ҳелмондий, Афғонистон Президентининг миллий хавфсизлик масалалари бўйича маслаҳатчиси Муҳаммад Ҳаниф Атмар, Афғонистон Президентининг МДҲ мамлакатлари билан ҳамкорликни ривожлантириш бўйича махсус вакили Шокир Коргар, Ташқи ишлар вазирининг биринчи ўринбосари Ҳикмат Халил Карзай, шунингдек Жамоат ишлари, Соғлиқни сақлаш, Энергетика ва сув ресурслари, Транспорт ва фуқаро авиацияси вазирликларининг раҳбарлари билан музокаралар ўтказилди.

Форум давомида Туркия Республикаси Ташқи ишлар вазирининг биринчи ўринбосари Аҳмет Йилдиз билан учрашув бўлиб ўтди ва унда томонларни қизиқтирган масалалар юзасидан фикр алмашилди.

Ташриф доирасида Афғонистон Ислом Республикасининг турли вазирлик ва идоралари вакиллари билан ҳам учрашувлар ўтказилиб, уларда савдо-иқтисодий ҳамкорликнинг айрим масалалари муҳокама қилинди.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0