Мирзиёев: ишлайман деган одамга кўп нарсанинг кераги йўқ

© Пресс-служба президента РУзЎзбекистон президенти Шавкат Мирзиёев
Ўзбекистон президенти Шавкат Мирзиёев - Sputnik Ўзбекистон
Oбуна бўлиш
Ишлайман, яратаман деган одамга кўп нарсанинг кераги йўқ, деди Мирзиёев Учтепа туманидаги "Ватанпарвар иноқ коммуналчи" хусусий уй-жой мулкдорлари ширкати фаолияти билан танишуви чоғида

ТОШКЕНТ, 16 июн — Sputnik. Шавкат Мирзиёев Учтепа туманига ташрифи чоғида Ватанпарвар маҳалласи ҳудудидаги "Ватанпарвар иноқ коммуналчи" хусусий уй-жой мулкдорлари ширкати фаолияти билан танишди, деб хабар берди Ўзбекистон Ҳукумат портали.

Охирги қўнғироқ - Sputnik Ўзбекистон
Мирзиёев буйруғи: Тошкентдаги мактабда 11 йиллик таълим тизими тикланади
2010 йилда ташкил этилган ушбу ширкат тумандаги энг намунали хусусий уй-жой мулкдорлари ширкатларидан бири. Ширкат жойлашган 38-уйнинг кириш йўлаклари замонавий услубда таъмирланган, уйга туташ ҳудуд ободонлаштирилган. Кўп қаватли уйнинг олд қисми ва йўлакларга видеокузатув ўрнатилган. 60 хонадонга хизмат кўрсатувчи ширкатда коммунал тарифлар аҳоли учун қулай нархларда ишлаб чиқилган.

Ширкатнинг ўз маблағи ҳисобидан уч йил илгари уйнинг том қисми мукаммал таъмирланган, йўлакларга замонавий эшиклар ўрнатилган. Уй олдида қурилган автотураржой шу ерда яшовчи аҳолига бепул хизмат кўрсатади. Турли аттракционлар, ўйин қурилмалари билан жиҳозланган болалар майдончаси нафақат болалар, балки катталарнинг ҳам баҳри дилини очади.

Мирзиёев хусусий уй-жой мулкдорлари ширкати раҳбари Светлана Орлова билан ширкат фаолияти, кўп хонадонли турар жойларда аҳолининг уй-жой шароитини яхшилаш бўйича қилинаётган ишлар ҳақида суҳбатлашди.

Тошкентдан уй сотиб олиши шартлари ишлаб чиқилмоқда

Ширкат ходимлари ва хонадон соҳибларининг қўл меҳнати билан обод масканга айланган бундай ширкатлар тажрибасини ўрганиш, уни бошқа туманларга ҳам кенг тарғиб этиш зарурлиги таъкидланди.

"Ишлайман, яратаман деган одамга кўп нарсанинг кераги йўқ, деди давлатимиз раҳбари. Оддий қўл меҳнати, кўпчиликнинг саъй-ҳаракати билан ўзи яшаётган ҳудудни шундай саранжом-саришта, файзли масканга айлантираётган юртдошларимиз кўпаяётгани бизни қувонтиради".

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0