Бош вазир ўринбосари Ибрагимов халқ билан газ-свет масалаларини муҳокама қилади

© podrobno.uzЎзбекистон Бош вазири ўринбосари Ғуломжон Ибрагимов
Ўзбекистон Бош вазири ўринбосари Ғуломжон Ибрагимов - Sputnik Ўзбекистон
Oбуна бўлиш
Мирзиёев аҳолидан шикоятлар тушадиган тақдирда, Ибрагимов ва тегишли тузилмалар раҳбарлари ҳар бири шахсий жавобгарлик олиб боришини таъкидлаган

ТОШКЕНТ, 23 июн — Sputnik. Ўзбекистон Бош вазири ўринбосари Ғуломжон Ибрагимов газ ва электр таъминоти соҳасидаги қатор муаммоларни ҳал қилиш борасида халқ билан юзма-юз учрашувлар ўтказади, деб хабар қилди Sputnik Ўзбекистон мухбири.

Участок магистрального газопровода - Sputnik Ўзбекистон
Ўзбекистонда табиий газ танқислиги муаммоси бартараф этилади
Ўзбекистон президенти Шавкат Мирзиёев куз-қиш мавсумида ёқилғи-энергетик ресурслар, электр қуввати, таъмирлаш ва трансформаторларнинг барқарор ишлаши, табиий газ таъминоти, чекка ҳудудларга эса суюлтирилган газ ва кўмир етказиб бериш масалалари ўз вақтида ҳал қилиниши учун Ибрагимов зиммасига халқ билан учрашиш топшириғини юклаган.

Ўзбекистон раҳбари аҳолидан шикоятлар тушадиган тақдирда, Ибрагимов ва тегишли тузилмалар раҳбарлари ҳар бири шахсий жавобгарлик олиб боришларини қайд этиб ўтган.

Бош вазирнинг яна бир ўринбосари — Очилбой Раҳматов ҳам республика бўйлаб сафарга чиқиши қўшимча қилинмоқда. Раматов вилоят, шаҳар ва айниқса, қишлоқларда ижтимоий соҳадаги объектлар, мактабгача таълим ва ўқув масканлари, кўп хонадонли турар-жойлар куз-қиш мавсумига қанчалик тайёрлигини текширади.

Раматов, шунингдек, маҳаллий автомобил йўлларининг тартибга келтирилгандан кейинги ҳолати, лифтлар, маҳаллаларга қарашли ҳудудларда санитария ҳолатини текшириши айтилмоқда.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0