Энг ёш вазир ўринбосари ўзининг янги лойиҳасини ишга туширмоқда

© Пресс-клубЭнг ёш вазир ўринбосари Алишер Саъдуллаев
Энг ёш вазир ўринбосари Алишер Саъдуллаев - Sputnik Ўзбекистон
Oбуна бўлиш
Лойиҳанинг мақсадлари: ижтимоий бирдамлик ҳамда фаолликни кучайтириш; ҳамфикр инсонларни бир-бирларини топиб, алоқа ўрнатишларида ёрдам бериш ва бу орқали ғоя эгаларини, айниқса ёшларни руҳлантириш ва қўллаб-қувватлаш

ТОШКЕНТ, 17 июл — Sputnik. Мирзиёев томонидан Ўзбекистон Халқ таълими вазири ўринбосари этиб тайинланган Алишер Саъдуллаев ижтимоий тармоқлардаги саҳифасида ўзининг янги лойиҳаси ҳақида пост эълон қилди.

Пресс-клуб: совещание - Sputnik Ўзбекистон
Энг ёш вазир ўринбосари: асосийси - президент ишончини оқлаш
"…менинг ташаббусим билан Халқ таълими вазирлиги томонидан Ёшлар Иттифоқи ҳамда «Ёшлар» телеканали билан ҳамкорликда янги лойиҳа иш бошлайди.

Лойиҳа Ўзбекистон илм-фан, спорт, санъат ва маданиятига оид энг илғор ғояларни оммавий узатиш ва тинглашга имкон яратиб берувчи платформа бўлиб хизмат қилади.

Оддий деҳқондан тортиб вазиргача бўлган хоҳловчилар «Ёшлар» телеканалида тақдимот қилишлари орқали ўзининг ибратли ғоялари, тажрибаси ва ҳикояларини омма билан баҳам кўра олади. Мисоллар: пойабзал ишлаб чиқарувчисининг бизнес фаолияти; ўқитувчи ўзи ишлаб чиққан, русийзабонларга ўзбек тилини ўрганишлари бўйича қўлланмасининг тақдимоти; шаҳар ҳокимининг ўз фаолияти давомида дуч келган ибратли, барчани ларзага соладиган ҳикояси; илмий ходимнинг ихтироси; ўлим билан олишиб тирик қолган беморнинг ташаккури; талабанинг "Start up" ғояси; ўт ўчирувчисининг оиласи ва ҳаёти; доимо кулиб юрадиган боғбон маслаҳатлари; журналистнинг жасорат ҳикояси; Ўзбекистонда экстремал спорт ва бошқалар.

Халқаро Пресс-клуб - Sputnik Ўзбекистон
Ўзбекистон Ёшлар Иттифоқи олдида турган долзарб масалалар муҳокама қилинди
Лойиҳанинг мақсадлари: фикрлар ва ғояларни бир жойга жамлаб, овоза қилиш, уларнинг базасини яратиш; ижтимоий бирдамлик ҳамда фаолликни кучайтириш; ҳамфикр инсонларни бир-бирларини топиб, алоқа ўрнатишларида ёрдам бериш ва бу орқали ғоя эгаларини, айниқса ёшларни руҳлантириш ва қўллаб-қувватлаш.

Лойиҳанинг халқаро муқобили — ТEД (www.ted.com) платформасидан фарқи шундаки, унинг асосий фаолияти интернет эмас, балки телевидение канали орқали олиб борилади ва бу билан кенг омма қамрови таъминланади.

Биз ҳозирда жамоамиз билан лойиҳанинг тартиби, низоми ҳамда иштирокчилар/тақдимотчилар учун стандард кўрсатмаларни ишлаб чиқмоқдамиз. Миллий қадриятларимизни, Ўзбекистон шарт-шароитларини эътиборга олган ҳолда ушбу лойиҳа бўйича ҳар қандай фикрларингизни кутиб қоламиз. Буюк бобокалонимиз Амир Темур айтганларидай: «Куч — бирликда». Келинглар, биргалашиб ушбу лойиҳани амалга оширайлик!", — дейилади хабарда.

Янгиликлар лентаси
0