TOШКЕНТ, 20 июл — Sputnik. Тунги клублар ва барлар иш вақтини узайтириш масаласи Халқаро пресс-клуб мажлиси давомида кўтарилди ва Олий Мажлис кўриб чиқиши керак бўлган масалалар қаторига қўшилди, деб хабар қилмоқда Podrobno.uz.
Айни дамда Ўзбекистонда кўнгилочар масканлар фаолияти кеч соат 23:00 га қадар чекланган. Олий Мажлис депутатлари ушбу масалани кўриб чиқишни ваъда беришди. Ташаббусчилар фикрига кўра бундай чора мамлакатга кўпроқ туристларни жалб қилиш имконини беради.
Ўзбекистон туризмни ривожлантириш қўмитаси тунги клуб ва ресторанлар иш вақтини узайтириш масаласини Туризмни ривожлантириш концепциясига киритиши мумкин.
